Mikill áhugi á upplýsingatækni í skólastarfi á ráðstefnu 3F

Frá ráðstefnu 3F - Í skýjunum

Á föstudaginn 5. apríl hélt 3F-Félag um upplýsingatækni og menntun sína árlegu ráðstefnu, sem að þessu sinni bar yfirskriftina „Í skýjunum“ til að vekja athygli á tæknilegar breytingar sem fylgja aukinni notkun svokallaðra „skýja“ fyrir bæði gagnageymslu og tölvuvinnslu. Ráðstefnan var haldin í samstarfi við Háskólann í Reykjavík og Upplýsingu-Félags bókasafns- og upplýsingafræðinga í húsnæði HR í Nauthólsvík.

Áhuginn á ráðstefnunni kom ráðstefnuhöldurum verulega á óvart og þurfti að loka fyrir skráningar daginn fyrir ráðstefnuna þegar þær voru að nálgast 250 vegna plássleysis. Þetta er u.þ.b. tvöföldun á skráningum miðað við undanfarin ár. Líklega endurspeglar þetta aukinn áhuga á notkun upplýsingatækni í skólastarfi með tilkomu ódýrra og aðgengilegra tækja á borð við spjaldtölvur og snjallsíma. Einnig má velta fyrir sér hvort aukinn áhugi stafi ekki líka að einhverju leyti af aukinni meðvitund meðal skólafólks um nauðsyn þess að þróa skólastarf í samræmi við breytingar á tæknilegum og félagslegum veruleika ungs fólks.

Meðal erinda á ráðstefnunni voru þrjú inngangserindi: Tryggvi Thayer, verkefnisstjóri MenntaMiðju, flutti erindi um „gagnaukinn veruleika“ (sjá viðbótargrein og tengil á glærur hér), Kristbjörg Olsen, verkefnisstjóri hjá Kennslumiðstöð HÍ, flutti erindi um MOOC og Rakel Sölvadóttir & Eiríkur Hrafnsson, frá Skema og GreenQloud, fluttu erindi um skólastarf í skýjunum. Erindi í málstofum spönnuðu yfir breiðan völl. Var m.a. rætt um ýmis tilrauna- og þróunarverkefni með spjaldtölvur, samfélagsmiðla, snjalltæki, o.fl.

Inngangserindi á ráðstefnunni voru tekin upp og verða þau gerð aðgengileg á vef 3F innan tíðar.

lesbian porn