MenntaMiðja og UT-Torg heimsóttu kennara á Vestfjörðum

Þrívíddar prentari að störfum.

Þrívíddar prentari að störfum.

Á föstudaginn 6. september heimsóttu fulltrúar MenntaMiðju og nýja UT-Torgsins vestfirska kennara á haustþingi kennarafélagsins í Bolungarvík. Þar gafst tækifæri til að kynna fyrir kennurum hugmyndafræði og starfsemi MenntaMiðju, UT-Torgsins og þeirra fjölmörgu starfssamfélaga á sviði upplýsingatækni í námi og kennslu. Áhugaverðast var þó að spjalla við skólafólk um áhugaverð verkefni sem þar eru í gangi og stöðu í upplýsingatæknimálum almennt. Efst á baugi voru nýja stafræna smiðjan (Fab-Lab) sem hefur verið opnuð í Menntaskólanum á Ísafirði og spjaldtölvuvæðing sem hrint hefur verið af stað með veglegum gjöfum frá fyrirtækjum á svæðinu.

Á stafrænu smiðjunni eru þríviddar prentari og önnur framleiðslutæki ætluð til að hvetja fólk til sköpunnar. Skólar á Ísafirði, Bolungarvík og Suðureyri munu nýta stafrænu smiðjuna fyrir verkefni nemenda. Einnig er smiðjan opin almenningi á tilteknum tímum. Mikill áhugi hefur verið á að auka notkun þrívíddar prentara í námi og má finna margt fróðlegt efni um möguleika þessa tækni í menntun (sjá t.d. hér, hér og hér). Hér á Íslandi hafa þrívíddar prentarar verið nýttir í nokkrum skólum. Gera má ráð fyrir að það muni aukast með tilkomu stafrænna smiðja, sem nú eru til staðar á Akranesi, í Vestmannaeyjum og á Sauðárkróki, auk Ísafjarðar. Einnig er unnið að uppsetningu stafrænnar smiðju í Eddufelli í Breiðholti og gert ráð fyrir að hún opni á næsta árinu.

milf porn