Vinnustofa um opið menntaefni í norrænu samhengi

OME_AuglysingVinnustofan er öllum opin og ókeypis.

Staður: Háskólinn í Reykjavík
Tími: Föstudag, 15. nóvember, kl. 9-12
Þátttakendur eru beðnir um að skrá sig hér.

Opið menntaefni (OME) í norrænu samhengi
Prófessorarnir Dr. Jan M. Pawlowski og Dr. Henri Pirkkalainen frá Háskólanum í Jyväskylä í Finnlandi, sem eru ötulir talsmenn OME stefnunnar á norðurlöndum og tengliðir Finnlands í Norræna OME samstarfsnetinu, koma hingað til Íslands og taka þátt með okkur íslendingum í opinni vinnustofu um opið menntaefni (OME) í norrænu samhengi, föstudaginn 15. nóvember kl. 9-12, í Háskólanum í Reykjavík.

Vinnustofan er opin öllum þeim sem hafa áhuga á að kynna sér hvað opið menntaefni er eða/og vilja hafa áhrif á framgang þess og opinnar menntunar hér á Íslandi og á norðurlöndunum. Vinnustofan er samstarfsverkefni og í boði Norræna OME netsins, Háskólans í Reykjavík, Menntamiðju, Menntavísindasviðs Háskóla Íslands, RANNUM, 3F félags um upplýsingatækni í menntun, Menntanets og Félags um stafrænt frelsi á Íslandi.

Vinnustofan hefst á nokkrum erindum sem munu standa í ca klukkutíma og síðan verða umræður þar sem þátttakendum gefst kostur á að tjá sig í ca. 2 klst.

Erindin sem verða til að byrja með fjalla um hvað hugtökin opin menntun (OM) og opið menntaefni (OME) standa fyrir auk þess að kynna Norræna OME hópinn og hvernig mögulegt samstarf skóla í Finnlandi gæti verið varðandi OM og OME, staða OME á Íslandi er kynnt og sagt frá því starfi sem er að hefjast hér á landi varðandi OME í tengslum við Menntamiðju.

Erindin halda Jan og Henri og auk þeirra Sigurbjörg Jóhannesdóttir Háskólanum í Reykjavík og Menntaneti og Salvör Gissurardóttir Menntavísindasviði Háskóla Íslands.

Umræðurnar munu fjalla um það samhengi sem er til staðar varðandi OME, hverjar helstu þarfir og kröfur eru og hvaða hindranir blasa við útbreiðslu þess. Rætt verður um hvernig Norræni OME hópurinn getur stuðlað að gagnkvæmum ávinningi á milli norðurlandanna, hvernig eigi að komast yfir hindranirnar, hvaða aðgerðir séu mikilvægastar fyrir Ísland og hvernig eigi að skipuleggja næstu skref í norrænu samstarfi.

Fundarstjóri verður Tryggvi Thayer verkefnastjóri Menntamiðju.

Aðstandendur: Nordic OER Network, Háskólinn í Reykjavík, MenntaMiðja, Menntavísindasvið HÍ, RANNUM, 3F – Félag um upplýsingatækni og menntun, Menntanet, Félag um stafrænt frelsi á Íslandi.

free gay porn