Opið menntaefni á Íslandi

Þann 15. nóvember síðastliðinn hélt MenntaMiðja ásamt fjölda annarra aðila vinnustofu um opið menntaefni í norrænu samhengi. Vinnustofan gekk vel þrátt fyrir að stjórnendurnir, Dr. Jan Pawlowski og Henri Pirkkalainen, hafi orðið veðurtepptir á Grænlandi. Þá var svissað yfir í fjarfundaham og haldið áfram eins og ekkert hafi í skorist. Meðal þátttakenda á vinnustofunni voru fulltrúar frá háskólasamfélaginu, skólum, stjórnvöldum, Rannís, Námsgagnastofnun og félagasamtökum tengd opnu samfélagi. Megin tilgangur vinnustofunnar var að greina hindranir og tækifæri í tengslum við notkun opins menntaefnis og að kanna leiðir til að auka almenna þekkingu um opið menntaefni hér á landi. Auk þess var rætt um opið menntaefni í samhengi við það sem er að gerast á norðurlöndunum.

Verið er að vinna úr niðurstöðum sem verða nýttar til að móta starfsramma fyrir nýtt torg um opið menntaefni, sem mun tengjast MenntaMiðju og taka þátt í því samstarfi sem þar er við önnur torg. Sigurbjörg Jóhannesdóttir, hjá Háskólanum í Reykjavík, heldur utan um undirbúningsstarfið fyrir stofnun torgsins í samstarfi við fjölda aðila úr ýmsum kimum íslensks skólasamfélags.

Í framhaldi af vinnustofunni var Tryggva Thayer verkefnisstjóra MenntaMiðju boðið að skrifa grein um stöðu opins menntaefnis á Íslandi, vinnustofuna og tengslin við MenntaMiðju fyrir vef Open Knowledge Foundation – Open Education Work Group. Á sama vef má finna fróðlegar greinar um opnar aðferðir í menntamálum í ýmsum öðrum löndum.

rape porn