Líflegar umræður um TALIS niðurstöður á vef MenntaMiðju

Í gær, 25. júní, voru niðurstöður nýrrar TALIS könnunar OECD birtar um heim allan. Í því tilefni efndi Education Fast Forward (EFF), í samstarfi við OECD og aðra, til málstofu á netinu um niðurstöðurnar og hvaða þýðingu þetta hefur fyrir kennara, stefnumótendur og aðra sem koma að menntamálum. Frummælendur málstofurnar voru staðsettir víða í heimi, m.a. París, Japan, Ástralíu, Bandaríkjunum, og Suður-Afríku. Áhugasamir gátu fylgst með beinni útsendingu á netinu og tekið þátt í umræðum á Twitter og voru umræðurnar mjög líflegar á köflum.

Í tilefni af þessum mikilvæga viðburði var vefsíðu MenntaMiðju breytt til að auðvelda fólki að fylgjast með og taka þátt í umræðum. Bein útsending EFF með frummælendum málstofunnar var streymt í gegnum heimasíðu MenntaMiðju og umræðuþræðir tengdir málstofunni á Twitter hafðir þar fyrir neðan. Þátttakendur gátu því fylgst með frummælendum í mynd og um leið tekið þátt í samræðum við fólk um allan heim um þau atriði sem vöktu helst athygli. Einnig gátu þátttakendur beint spurningum til frummælenda í gegnum Twitter og lögðu þeir sig fram við að svara spurningunum bæði með Twitter “tístum” og í  samtölunum sín á milli sem hægt var að fylgjast með í beinu útsendingunni.

OECDTALIS_menntamidja

Umræðuvettvangurinn á vef MenntaMiðju

Þegar mest var fylgdust rúmlega 80 manns með málstofunni og umræðum á vef MenntaMiðju og þótti þetta fyrirkomulag sérlega vel heppnað. Uppsetningin var mjög einföld í framkvæmd og gæti það hentað vel fyrir ýmsa viðburði í framtíðinni. Þeir sem vilja forvitnast um hvernig vefurinn var settur upp geta haft samband við Tryggva Thayer (tbt@hi.is), verkefnisstjóra MenntaMiðju.

large porn tube