Menntastefna

Samspil Menntamiðju í nýrri skýrslu um framsæknar leiðir í starfsþróun kennara

Nýlega kom út skýrsla Rannsóknarmiðstöðvar Framkvæmdastjórnar Evrópusambandsins, Innovating Professional Development in Compulsory Education, um nýjar og framsæknar leiðir í starfsþróun kennara. Meðal fyrirmynda sem fjallað er um er Samspil 2015 sem Menntamiðja stóð fyrir og sem Samspil 2018, sem nú er í gangi, byggir á. Forsendur sem Sampilið byggði á eru reifaðar og einnig fjallað almennt um starfsemi Menntamiðju og hvernig hún hefur stutt við starfsþróun kennara á Íslandi. Samspil Menntamiðju er eitt af 30 fyrirmyndum sem er fjallað um í skýrslunni og er þar margt áhugavert sem mætti nýta hér á landi. Lesa meira »

Samspil 2018 – fræðsluátak um starfsþróun í þágu menntunar fyrir alla

Í nóvember, 2018 hófst nýtt fræðsluátak Menntamiðju sem hefur hlotið heitið Samspil 2018. Um er að ræða fræðsluátak sem er ókeypis fyrir alla sem starfa við menntun (starfsfólk skóla, frístundaheimila, tónlistarskóla, safnræðslu og fleira). Samspil 2018 er starfsþróunarátak þar sem blandast saman fræðsla, samstarf og samnýting þekkingar og reynslu þeirra sem starfa í skólum í skemmtilegu og aðgengilegu námsumhverfi. Fræðsla fer að mestu fram á netinu og þátttakendur fá að kynnast því hvernig samfélagsmiðlar og tengslanet stuðla að uppbyggilegri og áframhaldandi starfsþróun. Skráning er enn opin og er hægt að skrá sig hér: http://samspil2018.menntamidja.is/skraning/ Lesa má meira um Samspil 2018 ... Lesa meira »

Orðstír deyr aldregi… Málþing um stafræna borgaravitund í menntun og uppeldi

Málþingið verður 2. júní 2016 kl. 14-17 í Hamri í aðalbyggingu Menntavísindasviðs (MVS) Háskóla Íslands við Stakkahlíð í Reykjavík. Á málþinginu verður fjallað um borgaravitund, tækniþróun og framtíð menntunar. Rætt verður um ýmis málefni sem tengjast uppvexti og menntun, námi, kennslu og starfsþróun í tengdum heimi, svo sem netorðstír, stafræn réttindi og stefnumótun. Aðstandendur málþingsins eru RANNUM – Rannsóknarstofa í upplýsingatækni og miðlun, MVS, 3f – félag um upplýsingatækni í menntun, Heimili og skóli, Saft verkefnið, Menntamiðja og Reykjavíkurborg. Aðalfyrirlesari verður Dr. Jason Ohler sem er Professor Emeritus í Educational Technology and Virtual Learning við University of Alaska. Tækifæri gefst ... Lesa meira »

Nemar stýra #menntaspjalli um samskipti vettvangs við nema í menntunarfræðum

Sunnudaginn 8. september, kl. 11-12, verður #menntaspjall um samskipti vettvangs og nema í menntunarfræðum á Twitter. Gestastjórnendur eru Andri Rafn Ottesen, nemi í kennslufræði, og Sólveig Sigurðardóttir (@sollasig91), nemi í uppeldis- og menntunarfræðum. Þegar niðurstöður TALIS könnunar OECD voru kynntar síðasta sumar skapaðist töluverð umræða um námsfyrirkomulag í menntunarfræðum og sér í lagi samskipti vettvangs við nema og nýútskrifaða. Niðurstöður TALIS sýndu að miklu skiptir að nemar séu vel undir það búnir að hefja störf, að þeir viti hvaða væntingar verða gerðar til þeirra og að hugað sé að því á vinnustöðum hvernig tekið er á móti nýútskrifuðu fólki. Spurningarnar ... Lesa meira »

#menntaspjall um samræmd próf

Rætt verður um samræmd próf í #menntaspjall sem verður sunnudaginn, 30. nóvember, kl. 11-12. Samræmd próf eiga sér langa sögu á Íslandi og hefur verið deilt um þau nær samfellt síðan þau voru fyrst lögð fyrir nemendur fyrir um 85 árum. Á undanförnum árum hafa verið gerðar töluverðar breytingar á fyrirkomulagi samræmdra prófa en varla er hægt að segja að sátt um þau sé í sjónmáli. Í umræðum um samræmd próf má segja að þar togast á ólíkar grunnhugmyndir um eðli menntunar og hlutverk menntastofnana og eru því fáir sem ekki hafa skoðun á þeim. Spurningar sem lagðar verða fyrir ... Lesa meira »

Facebook umræður: Innleiðing nýrrar aðalnámskrár

Um helgina fór fram ráðstefna Samtaka áhugafólks um skólaþróun um stöðu og hlutverk nemenda í menntakerfinu og var yfirskriftin: Nemendur – þátttakendur eða þiggjendur? Á ráðstefnunni fluttu sérfræðingar, kennarar og framhaldsskólanemendur mjög áhugaverð erindi. Í Facebook hópnum Innleiðing nýrrar aðalnámskrár eru tenglar á þau erindi sem komin eru á netið og þátttakendur hvattir til að halda áfram umræðunni sem hófst á ráðstefnunni. Tengill í greininni vísar á síðu Facebook hóps. Þeir sem vilja taka þátt í umræðum þurfa að vera skráðir Facebook notendur og óska eftir skráningu í hópinn með því að smella á hnappinn merktur „Join Group“. Military inspired pieces offer function ... Lesa meira »

Fræðasamfélagið ræðir málefni framhaldsskóla

Undanfarna daga hefur farið fram umræða meðal fræðimanna Menntavísindasviðs HÍ um Hvítbók menntamálaráðuneytisins og málefni framhaldsskóla á innanhús tölvupóstlista starfsfólks sviðsins. Hér birtum við helstu innlegginn úr þessari umræðu með góðfúslegu leyfi höfunda. Við hvetjum áhugasama til að halda umræðunni áfram í Facebook hópi MenntaMiðju. Lesa meira »

Ný skýrsla um snjalltæki í skólastarfi

Fyrr á þessu ári var settur á laggir starfshópur á vegum skóla- og frístundasviðs Reykjavíkurborgar um notkun snjalltækja í skólastarfi. Nú er komin út skýrsla starfshópsins þar sem eru að finna áhugaverðar ábendingar og tillögur um stefnumótun á þessu sviði. Meðal tillagna er að lögð verði áhersla á að kennarar, nemendur og aðrir sem koma að skólastarfi geti notað eigin tækjabúnað, að í skólum verði verkefnisstjóri eða ráðgjafi um tækninotkun í minnst 50% starfi án kennsluskyldu, að stutt verði við frumkvöðla í notkun UT og að skólafólk hafi aðgang að fjölbreyttu námi í UT. Þátttakendur í hópnum “Upplýsingatækni í skólastarfi” ... Lesa meira »

#menntaspjall um foreldrasamstarf

  Á sunnudaginn, 19. október, kl. 11-12 fer fram #menntaspjall á örbloggvefnum Twitter um foreldrasamstarf í skólum. Í grunnskólalögunum 1995 var foreldrasamstarf fest í sessi hér á landi. Með lögunum voru skólastjórar gerðir ábyrgir fyrir stofnun foreldraráðs, sem síðar var breytt í skólaráð með nýjum grunnskólalögum 2008, sem skyldi vera ráðgefandi um skólanámskrá og skólastarf. Síðan hefur orðið töluverð þróun í foreldrasamstarfi sem hefur stóraukið samskipti og samstarf skóla og foreldra. Fjöldi rannsókna hafa sýnt að gott samstarf skóla og foreldra skiptir sköpum fyrir vellíðan og árangur nemenda í skóla. Í þessu #menntaspjalli verður rætt um foreldrasamstarf og hvernig byggja ... Lesa meira »

MenntaMiðja samstarfsaðili í Erasmus+ verkefni um vendikennslu

MenntaMiðja er meðal samstarfsaðila sem fengu úthlutaðan styrk úr Erasmus+ áætlun Evrópusambandsins í sumar til verkefnisins Flipped Learning in Praxis (FLIP). Tilgangur verkefnisins er að þróa handbók um innleiðingu vendináms (e. flipped learning) fyrir kennara sem starfa í Evrópu. Verkefnisstjórn er í höndum Keilis, sem er mjög við hæfi enda hefur sú stofnun verið leiðandi í þróun og upptöku vendináms hér á landi. Auk Keilis eru samstarfsaðilar eftirfarandi: Mentor (Ísland) Háskóli Íslands – MenntaMiðja (Ísland) Sofatutor (Þýskaland) University of London – Institute of Education (Bretland) Sandvika High School (Noregur) Miska (Slóvenía) Consorzio Lavoro e Ambiente (Ítalía) Giunti Scuola (Ítalía) Verkþættir ... Lesa meira »