Menntastefna

Hvað er hönnunarsmiðja?

Þann 20. nóvember bjóða MenntaMiðja og RANNUM upp á hönnunarsmiðju um framtíð tækni og menntunar undir handleiðslu Virajita Singh, sérfræðingi við Háskólann í Minnesóta (sjá frekari upplýsingar um hönnunarsmiðjuna og skráningu hér). Á hönnunarsmiðjum er megin markmiðið að skapa frjóan vettvang þar sem þátttakendur greina og móta umræður um sameiginleg viðfangsefni. Notaðar eru aðferðir sem eiga rætur í hönnunargreinum, e.o. vöruþróun og arkitektúr, sem miða að því að virkja sköpunarkraftinn sem býr í fjölbreytni þátttakenda. Hönnunarnálgunin sem er notuð hefur gefið góða raun í margvíslegum verkefnum sem spanna allt frá þróun nýrra vara og þjónustu til stefnumótunar og jafnvel mótunar ... Lesa meira »

Diane Ravitch gefur út nýja bók

Diane Ravitch, menntunarfræðingur við New York Háskólann, gaf nýlega út bókina Reign of Error, þar sem hún gagnrýnir umræðu um menntamál í Bandaríkjunum og sérstaklega kröfur um að einkavæðing skóla sé helsta lausnin á vandanum. Í þessu viðtali við hinn bráðskemmtilega John Stewart talar hún um bókina sína og hvernig gögn um námsárangur bandarískra ungmenna hafa verið rangtúlkuð til að rökstyðja ýktar yfirlýsingar um krísur í skólamálum (sjá fyrri hluta hér og seinni hluta hér). Ravitch er líka dugleg að senda frá sér fróðlegar upplýsingar á bloggi og Twitter sem snúast fyrst og fremst um menntamál í Bandaríkjunum en geta ... Lesa meira »

Umræðan um styttingu skólagöngu

Undanfarið hefur verið mikil umræða um styttingu skólagöngu hér á landi. Af því tilefni höfum við tekið saman safn tengla á ýmsar nýjar og eldri greinar og skýrslur tengd málinu. Einnig er bent á rannsóknir sem tengjast algengum rökum fyrir og á móti styttingu skólagöngu, s.s. að draga úr brottfalli, bæta hagkvæmni, o.fl. Við hvetjum lesendur til að bæta við tílvísunum á greinar og rit í athugasemdum neðst á síðunni. Lesa meira »

Hvað segja gögn um íslenska skóla í alþjóðlegu samhengi

Þann 12. júní var haldið málþing undir yfirskriftinni „Íslenskt skólakerfi í alþjóðlegu samhengi„. Málstofan er sú fyrsta í fundaröð sem Rannsóknarstofa um þróun skólastarfs og Námsmatsstofnun standa fyrir þar sem verður fjallað um stöðu íslenskra skóla með tilliti til niðurstaða úr alþjóðlegum rannsóknum. Af því tilefni birtum við nýtt tenglasafn hér á vef MenntaMiðju á vefi þar sem hægt er að nálgast íslensk og alþjóðleg gögn um menntun og skólamál. Lesa meira »

Viðtal við Andreas Schleicher um PISA gögn

PISA (Programme for International Student Assessment) kannanir OECD á hæfni nemenda í ýmsum námsgreinum hafa haft töluverð áhrif á umræðu um mennta- og skólamál á undanförnum áratug. Könnunin hefur verið framkvæmd á þriggja ára fresti í öllum aðildarlöndum OECD, þar á meðal Ísland, auk nokkurra annarra landa. Hér fyrir neðan má heyra viðtal við Andreas Schleicher, forstöðumaður menntamáladeildar OECD sem hefur umsjón með PISA verkefninu. Í viðtalinu ræðir hann sérstaklega um nýtingu PISA gagna til að bæta menntun í einstökum löndum. Viðtal við Andreas Schleicher um PISA Lesa meira »

Jón Torfi Jónasson, forseti menntavísindasviðs HÍ, um breytingar á menntakerfi og menntun kennara

Rætt var við Jón Torfa Jónasson, forseta menntavísindasviðs HÍ, í Speglinum í Ríkisútvarpinu í gær um breytingar í menntakerfinu. Jón Torfi segir að lenging kennaranáms hafi verið nauðsynleg vegna þess hve flókið kennarastarfið er. Einnig er rætt um brottfallstíðni í íslenskum skólum og segir Jón Torfi að þörf sé á að auka fjölbreytni í menntakerfinu þannig að það endurspegli betur þá vaxandi fjölbreytni sem er í íslensku atvinnulífi og samfélaginu í heild. Hægt er að hlusta á viðtalið á vef RÚV. Lesa meira »

Dæmi um velgengni í menntamálum: Samtal við Pasi Sahlberg og Vivien Stewart

Í kvöld kl. 20 (ísl. tíma) verður samtal við Pasi Sahlberg, sérfræðing um þróun menntunar í Finnlandi, og Vivien Stewart, sérfræðingur um þróun menntunar í Singapúr og öðrum Asíulöngum, á vef Future of Education. Nákvæmar upplýsingar um hvernig skuli tengjast inn á fundinn eru neðst í greininni. Lesa meira »

Miðstöð skólaþróunar á Akureyri heldur árlega vorráðstefnu sína 13. apríl, 2013

Skóli og nærsamfélag -að verða þorpið sem elur upp barnið- Vorráðstefna um menntavísindi haldin á Akureyri 13. apríl 2013 á vegum miðstöðvar skólaþróunar við Háskólann á Akureyri Að þessu sinni verður lögð áhersla á hugarfar og vinnubrögð sem þurfa að vera til staðar til að skóli geti í samspili við foreldra, umhverfi og samfélag uppfyllt þá menntastefnu sem birtist í aðalnámskrá, þ.e. stuðlað að merkingabæru námi fyrir nemendur á 21. öldinni. Frekar upplýsingar eru á vef Miðstöðvar skólaþróunar. Lesa meira »

Í dag: Ráðstefna útskriftarnema í uppeldis- og menntunarfærði við HÍ

„Allt gott í veröldinni er rakið til góðs uppeldis“ Immanuel Kant Í dag, Föstudaginn 12. apríl, halda 3. árs nemar í uppeldis- og menntunarfræði við Háskóla Íslands ráðstefnu þar sem kynnt eru BA verkefni ásamt öðrum verkefnum. Ráðstefnan er haldin í Bratta, Stakkahlíð. Heiti ráðstefnunnar er ,,Allt gott í veröldinni er rakið til góðs uppeldis” sem er bein tilvitnun í Immanuel Kant. Erindi ráðstefnunnar eru fjölbreytt og skemmtileg, og eru lýsandi fyrir hvað nám í uppeldis- og menntunarfræðum felur í sér. Ráðstefnunni er skipt niður í þrjú þemu og er erindum raðað upp eftir viðfangsefnum þeirra. Líkamlegt og andlegt heilbrigði ... Lesa meira »

Menntamálaráðherra setur málþing um innleiðingu grunnþáttanna lýðræði, mannréttindi og jafnrétti

Menntamálaráðherra, Katrín Jakobsdóttir, setur málþing Félags heimspekikennara sem haldið verður í Réttarholtsskóla laugardaginn 13. apríl. Dagskrá málþingsins er sem hér segir: Elsa Björg Magnúsdóttir: Raunverulegt gildismat? Ingimar Waage: Viðhorf kennara til lýðræðis í grunnskólastarfi Jóhann Björnsson: Kennslustund í lýðræði eða lýðræðisleg kennslustund? Kristín Dýrfjörð: Er ekki bölvað vesen að tengja grunnþáttinn lýðræði öðrum grunnþáttum? Ólafur Páll Jónsson: Lýðræði og mannréttindi sem grunnþáttur: Viðmið, markmið eða aðferð? Sigurlaug Hreinsdóttir: Samhljómur lýðræðisins Málþingið er öllum opið og hefst kl. 13. Aðgangur er ókeypis. Nánari upplýsingar má finna á vef Félags heimspekikennara, www.heimspekitorg.is   Lesa meira »