Fréttir af torgum

Tungumálatorg: Námskeið á vegum SÍSL

SÍSL – Sérfræðingateymi í samfélagi sem lærir, er þróunarverkefni sem Hulda Karen Daníelsdóttir, kennsluráðgjafi Miðborgar og Hlíða, hefur þróað og vinnur að í samráði við sérfræðingahóp og fleiri aðila. Meðal þess sem SÍSL býður upp á er þjálfun og námskeið fyrir kennara í viðurkenndum aðferðum til að koma til móts við þarfir þeirra sem starfa með fjölbreytta nemendahópa í skóla án aðgreiningar. Í febrúar og mars er boðið upp á eftir farandi námskeið: PALS lestur (e. Peer-Assisted Learning Strategies) – 6. febrúar í Reykjavík 6+1 Vídd ritunar (e. 6+1 Traits of Writing) – 5. mars í Reykjavík Skólaorðaforði: Hugtakaskilningur og samræða ... Lesa meira »

Sérkennslutorg: Fræðsludagur íslenskra sérkennara

Sérkennslutorg var með kynningarbás á fræðsludegi íslenskra sérkennara þann 25. nóvember. Ánægjulegt var að hitta sérkennara og kynna þeim starfsemi Sérkennslutorgs. Sérkennarar eru ánægðir með að vefur Sérkennslutorgsins sé öllum opinn og hægt sé að nálgast efni þar án tilkostnaðar. Alls kyns vinnuform koma sér vel, eins líka hugmyndir að uppbyggingu kennslustunda og sjónrænar leiðbeiningar. Dagskráin var fjölbreytt og mörg áhugaverð erindi. Þorbjörg Vilhjálmsdóttir fjallaði um upplifanir fólks með þroskahömlun af félagslegum samskiptum við jafnaldra. Frá Barnahúsi var erindi um kynferðisofbeldi gagnvart börnum og Kristín Arnardóttir var með erindi um fyrstu skrefin í lestrar- og stærðfræðikennslu barna með verulegar sérþarfir. ... Lesa meira »

Hönnunarsmiðja um framtíð tækni og menntunar

Hvernig skóla eða skólakerfi myndir þú hanna til að takast á við áskoranir 21. aldar? Hvaða tækninýjungar munu hafa áhrif á menntun í framtíðinni og hvernig ætlar þú að nýta þær? MenntaMiðja og RANNUM halda hönnunarsmiðju þar sem þátttakendur fá að kynnast hvernig hönnunarnálgun er notuð í stefnumótun skólamála (sjá frekar umhönnunarnálgun og hönnunarsmiðjur hér). Hönnunarsmiðjan er skipulögð í samvinnu við Virajita Singh, sérfræðingur í hönnunarnálgun frá Háskólanum í Minnesóta, sem verður á staðnum til að leiða vinnu þátttakenda. Þátttakendur munu velta fyrir sér framtíð tækniþróunar og mögulegum áhrifum hennar á menntun. Hugmyndir um skóla framtíðar verða mótaðar í skapandi samstarfi með fjölbreyttum hópum hagsmunaaðila. Þátttakendur skrá ... Lesa meira »

MenntaMiðja og Sérkennslutorg í nýjasta hefti Tölvumála

Nýtt tölublað Tölvumála, tímarit Skýrslutæknifélagsins, er komið út. Að þessu sinni er áhersla lögð á hagnýtingu upplýsingatækninnar. Meðal greina eru tvær sem fjalla um starfsemi MenntaMiðju og torga: ein eftir Tryggva Thayer, verkefnisstjóra MenntaMiðju, um MenntaMiðju og gagnsemi samfélagsmiðla fyrir símenntun og starfsþróun skólafólks; og ein eftir Hönnu Rún Eiríksdóttur um Sérkennslutorgið og notkun spjaldtölva og smáforrita í sérkennslu. Lesa meira »

Frjóir Fimmtudagar – Menntabúðir um upplýsingatækni í námi og kennslu

Fimmtudagana 31. október, 7. nóvember og 21. nóvember kl. 16-18 verða haldnar  menntabúðir  í stofu H-207 í aðalbyggingu Menntavísindasviðs Háskóla Íslands við Stakkahlíð. Menntabúðir er samkoma þar sem fólk kemur saman til þess að miðla af eigin reynslu og þekkingu og afla sér fróðleiks frá öðrum þátttakendum. Nauðsynlegt er að skrá þátttöku í hvert skipti til að auðvelda utanumhald og skipulagningu. Smelltu á dagsetningarnar til að skrá þig 31. október, 7. nóvember, 21. nóvember. Mikil vakning er í tengslum við spjaldtölvur í skólastarfi og fjölmörg áhugaverð verkefni í gangi úti í skólunum varðandi upplýsingatækni og nýjar aðalnámsskrár. Áhersla verður lögð á tengslamyndun fólks sem er að þreifa sig áfram með nýtingu ... Lesa meira »

MenntaMiðja og UT-Torg heimsóttu kennara á Vestfjörðum

Á föstudaginn 6. september heimsóttu fulltrúar MenntaMiðju og nýja UT-Torgsins vestfirska kennara á haustþingi kennarafélagsins í Bolungarvík. Þar gafst tækifæri til að kynna fyrir kennurum hugmyndafræði og starfsemi MenntaMiðju, UT-Torgsins og þeirra fjölmörgu starfssamfélaga á sviði upplýsingatækni í námi og kennslu. Áhugaverðast var þó að spjalla við skólafólk um áhugaverð verkefni sem þar eru í gangi og stöðu í upplýsingatæknimálum almennt. Efst á baugi voru nýja stafræna smiðjan (Fab-Lab) sem hefur verið opnuð í Menntaskólanum á Ísafirði og spjaldtölvuvæðing sem hrint hefur verið af stað með veglegum gjöfum frá fyrirtækjum á svæðinu. Á stafrænu smiðjunni eru þríviddar prentari og önnur framleiðslutæki ... Lesa meira »

Tvö torg ganga til liðs við MenntaMiðju

Nú í sumar bættust  Heimspekitorg og UT-Torg í flóru torga sem tengjast MenntaMiðju. Gengið var frá samkomulagi um samstarf MenntaMiðju og Heimspekitorgs Félags heimspekikennara fyrr í sumar. Á Heimspekitorgi er að finna margvíslegar upplýsingar um heimspekikennslu, verkefnabanka, tilkynningar tengdar starfsemi Félags heimspekikennara og áhugaverða viðburði á vegum félagsins eða sem tengjast heimspekikennslu með einum eða öðrum hætti. UT-Torg MenntaMiðju var formlega opnað á ráðstefnu Samtaka áhugafólks um skólaþróun í dag, 14. ágúst, 2013. UT-Torgi er ætlað að styðja við og tengja saman þau fjölmörgu starfssamfélög sem hafa orðið til með aukinni notkun upplýsingatækni í skólastarfi, fagfélög og fræðasamfélagið.   Lesa meira »

Stofnum UT Torg – starfssamfélag skólafólks um upplýsingatækni

Til stendur að stofna Upplýsingatæknitorg (UT Torg) sem mun starfa með MenntaMiðju. UT torgið á að styðja við notkun upplýsingatækni í skólasamfélaginu.Við bjóðum áhugasömum á hugmyndafund í stofu H-207 í húsnæði Menntavísindasviðs v/Stakkahlíð, í dag þriðjudaginn 11. júní kl. 14:00. Á fundinum verður leitað eftir hugmyndum um markmið, efnistök, útfærslu og mögulegum verkefnum torgsins. Vinsamlegast skráðu þig fyrir kl. 16:00 mánudaginn 10. júní. Smelltu hér til að skrá þig. Lesa meira »

Fréttir af torgum: Verkefnið „Okkar mál“ fær hvatningarverðlaun Reykjavíkurborgar

Meðal skólaþróunarverkefna sem hlutu viðurkenningu Reykjavíkurborgar þetta árið er Okkar Mál. Vefur verkefnisins er hýstur á Tungumálatorginu og því er stýrt af Þorbjörgu Þorsteinsdóttur, sem er jafnframt verkefnisstjóri Tungumálatorgs. Meðal aðila sem taka þátt í verkefninu eru leik- og grunnskólar og frístundamiðstöðvar í Fellahverfi, Þjónustumiðstöð Breiðholts og samstarf við menntavísindasvið HÍ hefur einnig verið mikið. Með verkefninu hefur skapast góð tenging milli menntavísindasviðs og vettvangs. Lesa meira »

Menntabúðir vorið 2013 fyrir náttúrufræðikennara

Náttúrutorg býður öllum náttúrufræðikennurum til menntabúða. Þema menntabúðanna verður verkleg kennsla. Þátttakendur eru beðnir að koma með framlag í búðirnar, en skipuleggjendur munu tryggja að nóg áhugavert efni verði til reiðu. Það er engin nauðsyn að leggja eitthvað með sér, ef allir koma með eitthvað verður ekki tími til að komast yfir það allt svo velkomið er að skrá sig án þess að vera með innlegg. Hvert framlag er vel þegið. Mörg lítil atriði safnast saman og skapa áhugaverðar Menntabúðir. Miðvikudaginn 13. mars Menntabúðir um Efnafræði í Langholtsskóla kl. 15-18 Miðvikudaginn 10. apríl Menntabúðir um Eðlisfræði í Ölduselsskóla kl. 15-18 ... Lesa meira »