Skólaþróun

MenntaMiðja samstarfsaðili í Erasmus+ verkefni um vendikennslu

MenntaMiðja er meðal samstarfsaðila sem fengu úthlutaðan styrk úr Erasmus+ áætlun Evrópusambandsins í sumar til verkefnisins Flipped Learning in Praxis (FLIP). Tilgangur verkefnisins er að þróa handbók um innleiðingu vendináms (e. flipped learning) fyrir kennara sem starfa í Evrópu. Verkefnisstjórn er í höndum Keilis, sem er mjög við hæfi enda hefur sú stofnun verið leiðandi í þróun og upptöku vendináms hér á landi. Auk Keilis eru samstarfsaðilar eftirfarandi: Mentor (Ísland) Háskóli Íslands – MenntaMiðja (Ísland) Sofatutor (Þýskaland) University of London – Institute of Education (Bretland) Sandvika High School (Noregur) Miska (Slóvenía) Consorzio Lavoro e Ambiente (Ítalía) Giunti Scuola (Ítalía) Verkþættir ... Lesa meira »

#menntaspjall um læsi

Á sunnudaginn, 21. september, kl. 11-12, verður #menntaspjall um læsi. Gestastjórnendur eru Jenný Gunnbjörnsdóttir, Sólveig Zophoníasdóttir og Hólmfríður Árnadóttir sérfræðingar á Miðstöð skólaþróunar við Háskólann á Akureyri. Spurningarnar sem þær munu leggja fyrir þátttakendur eru: Hvað er læsi? Hvernig má skapa námsumhverfi sem stuðlar að læsi og virkri þátttöku nemenda? Hvaða áhrif hefur tæknin haft á læsi og lestur? Hvernig er hægt að efla samvinnu milli skólastiga varðandi læsi? Hvernig miðlum við nýrri fræðilegri og hagnýtri þekkingu á lestri og læsi til íslenskra kennara á skilvirkan hátt? Frekari upplýsingar eru að finna á vef Ingva Hrannars Ómarssonar. Want to Keep Up ... Lesa meira »

#menntaspjall um samstarf skóla og safna um nám utan skólastofunnar

Í fyrsta #menntaspjalli MenntaMiðju vetrarins, sem fer fram sunnudaginn, 7. september, kl. 11-12, verður rætt um fræðslustarf í söfnum og samstarf skólafólks og safnfræðslufulltrúa um að skapa skemmtileg og fróðleg tækifæri til náms utan skólastofunnar. Hér eru gagnlegar upplýsingar um #menntaspjall fyrir þátttakendur.  Gestastjórnandi er Hlín Gylfadóttir, safnfræðslufulltrúi í Þjóðminjasafni Íslands og meistaranemi í safnafræði við HÍ. Samfara náminu var Hlín starfsnemi í Minnesota Children’s Museum í St. Paul, Minnesota, en í safninu hefur verið unnið mikið brautryðjendastarf í safnfræðslu frá stofnun þess fyrir rúmlega 20 árum. Spurningar eru birtar fyrirfram og þátttakendur hvattir til að undirbúa sig svo góður ... Lesa meira »

Ný skýrsla OECD um nýsköpun í skólastarfi

OECD sendi nýverið frá sér skýrsluna Measuring innovation in education: A new perspective. Í henni er sjónum beint að nýsköpun í skólastarfi og kynntar niðurstöður úr víðtækri könnun á nýsköpun í skólastarfi. Áhugi á nýsköpun í skólastarfi hefur aukist töluvert á undanförnum árum og er til marks um það að margar stefnubreytingar undanfarinna ára eru sérstaklega ætlaðar að auka svigrúm skólafólks í starfi og hvetja þannig til nýsköpunar. En vantað hefur að skilgreina nákvæmlega hvað telst til nýsköpunar í skólastarfi og hvernig meta skuli árangur. Skýrsluhöfundar taka á þessum erfiðu viðfangsefnum og leggja grunn að frekari umræðu um þessi mál. ... Lesa meira »

Upptökur af málstofu um TALIS könnun OECD og umræður komnar á netið

Þann 25. júní voru niðurstöður nýrrar TALIS könnunar OECD birtar. Bein útsending frá málstofu um niðurstöðurnar var til sýnis á vef MenntaMiðju og gátu áhorfendur um leið fylgst með umræðum áhugafólks um víðan heim sem fram fóru á Twitter. Fyrir þá sem misstu af þessum mikilvæga og fróðlega viðburði birtum við hér upptöku af málstofunni og samantekt af umræðunum sem fram fóru á Twitter. Lesa meira »

Niðurstöður úr nýrri TALIS könnun verða kynntar á miðvikudaginn

Niðurstöður úr nýrri TALIS (Teacher and Learning International Survey) könnun verða kynntar á miðvikudaginn, 25. Júní. TALIS könnunin er verkefni á vegum OECD og nær hún nú til 34 landa, þar með talið Ísland. Könnunin er send til skólastjóra og kennara í þátttökulöndum og er spurt um kennsluhætti, starfsþróun skólafólks, skólaumhverfi, og fleira. Könnunin var áður framkvæmd árið 2008 og var Ísland þá meðal 24 þátttökulanda. TALIS könnunin frá 2008 leiddi ýmislegt áhugavert í ljós um kennsluhætti og starfsumhverfi kennara á Íslandi. M.a. kom fram að íslenskir kennarar aðhyllast hugsmíðahyggju í töluvert meira mæli en starfssystkini í öðrum löndum. Einnig kom ... Lesa meira »

Virðing í netmiðlum

Í vor hélt Kristian Guttesen, kennari við Menntaskólann á Egilsstöðum, vinnustofu um virðingu á netinu á vegum MenntaMiðju. Kristian sótti ráðstefnu um efnið á vegum Pestalozzi áætlunar Evrópuráðsins í nóvember sl. Pestalozzi ráðstefnur eru ætlaðar að stuðla að starfsþróun skólafólks með því að bjóða útvöldum kennurum og öðru skólafólki tækifæri til að kynnast því nýjasta sem er að gerast á tilteknum sviðum sem tengjast námi og kennslu. Í vinnustofunni var fjallað um: siðferði á netinu ímynd kvenna í auglýsingum, kvikmyndum og fjölmiðlum Vinnustofan er ætluð kennurum á unglingastigi grunnskóla og framhaldsskólastigi og öðru áhugafólki um notkun upplýsingatækni í námi og kennslu. Hægt ... Lesa meira »

Ókeypis námskeið um eTwinning

Landskrifstofa eTwinning býður upp á ókeypis námskeið um eTwinning áætlun um rafrænt samstarf skóla. Námskeiðið er í boði á eftirfarandi tímum: 16. maí nk. kl. 9:30-12:00. 16. maí nk. kl. 13:00-15:30. Staður: Tölvuver 101 í Gimli, Háskóla Íslands (innangengt úr bæði Háskólatorgi og Odda). Farið verður í grunnatriði eTwinning-kerfisins með áherslu á hvernig leita skal samstarfsaðila og stofna verkefni. Námskeiðið kostar ekkert – boðið upp á kaffi og með því – allir kennarar, skólastjórnendur og starfsfólk skóla velkomið. Skráning hér – takmarkaður fjöldi. Lesa meira »

#menntaspjall um samfélagsmiðla í námi og kennslu

Á morgun, sunnudag 4. maí, kl. 11-12, verður #menntaspjall á Twitter um samfélagsmiðla í námi og kennslu. Gestastjórnandi #menntaspjall er að þessu sinni  Svava Pétursdóttir (@SvavaP), verkefnastjóri Náttúrutorgs og nýdoktor við Menntavísindsvið. Svava sótti þjálfun á vegum Pestalozziáætlunarinnar um notkun samfélagsmiðla til lýðræðisþátttöku síðasta vetur, síðan hefur hún rætt við og unnið með kennarahópum sem áhuga hafa haft á miðlunum í skólastarfi.  Við höfum birt spurningar með dags fyrirvara til þess að hvetja þátttakendur til að lesa í gegnum spurningarnar og undirbúa jafnvel svörin svo þeir fái meira tíma í að lesa, skoða og svara því sem aðrir segja. Spurningarnar verða: Hvernig ... Lesa meira »

Sýning á skapandi hópverkefnum til B.Ed. gráðu

Í dag, mánudag 14. apríl, 2014, kl. 9.30-12, er sýning á lokaverkefni sem unnið var fyrir skapandi hópverkefni 2014. Skapandi hópverkefni er ný leið sem boðið er upp á í B.Ed. námi Menntavísindasviðs HÍ þar sem nemendur ljúka námi með hópverkefni í stað hefðbundinna lokaritgerða. Nemendur í ár skiptust í hópa sem unnu verkefni í tengslum við neteinelti annars vegar og samskipti bekkjarfélaga á yngsta stigi grunnskóla hins vegar. Sýnd verður fræðslumynd sem nemendur unnu um neteinelti, kennsluefni í formi brúðuleikhúss um Von og Trausta, sem og vefsíður með fjölbreyttu efni fyrir foreldra, kennara, nemendur og ýmsa fagaðila. Sýningin er ... Lesa meira »