Skólaþróun

#menntaspjall um samstarf innan og milli skóla

Í #menntaspjall sunnudaginn 6.apríl kl.11.00 ræðum við tækifæri og hindranir í samvinnu, heyrum vonandi af áhugaverðum verkefnum, mótum hugmyndir og gefum skólafólki tækifæri á að ræða saman. Gestastjórnandi þennan sunnudaginn (6.apríl 2014) verður Anna María Þorkelsdóttir (@Kortsen), dönskukennari og verkefnastjóri í Hólabrekkuskóla. Spurningarnar verða: Hvernig er hægt að auka samvinnu starfsfólks innan skóla? (Dæmi eða hugmyndir) Eru ykkar skólar markvisst í þverfaglegum verkefnum? Ef já, hvernig? Ef nei, af hverju ekki? Hvernig verkefni dettur þér í hug að skólar gætu unnið í samstarfi? Hvaða hagur væri af því að auka slíkt samstarf? Hvernig getum við nýtt tæknina til að vinna ... Lesa meira »

Samantekt: #menntaspjall um vendikennslu

Sjötta #menntaspjall fór fram nú um síðustu helgi. Umræðuefnið að þessu sinni var vendikennsla/spegluð kennsla/flippuð kennsla. Gestastjórnendur voru Dagbjört Lína Kristjánsdóttir, Hugrún Elísdóttir og Þorbjörg Guðmundsdóttir, kennarar við Grunnskóla Grundarfjarðar. Umræðurnar voru mjög líflegar að vanda en þátttakendur voru með mesta móti – líklega stærsti hópurinn frá upphafi. Samantekt frá umræðunum er komið á vefinn og má sjá öll tístin sem fóru manna á milli hér. Lesa meira »

#menntaspjall um aðgerðir gegn einelti í íslenskum skólum

Á sunnudag, 9. mars, kl. 11.00, verður #menntaspjall um aðgerðir gegn einelti í íslenskum skólum. Gestastjórnandi er Ingileif Ástvaldsdóttir, skólastjóri Þelamerkurskóla í Hörgársveit. Mikil umræða um einelti í íslensku samfélagi og skólaumhverfi undanfarið er til marks um hversu alvarlegt vandamálið er. Umræðan hefur aukist á undanförnum vikum í kjölfar heimildarmyndarinnar Allt um einelti sem birtist á vefnum einelti.com. Áhugafólk um skólafólk hvaðanæva að af landinu hafa notað klukkustund, annan hvern sunnudag það sem af er árinu til þess að ræða um menntun og menntamál á örbloggvefnum Twitter og við hvetjum enn fleiri til þess að taka þátt. Þátttakendur eru hvattir til ... Lesa meira »

Vinnustofa um siðferði á netinu

MenntaMiðja býður upp á vinnustofu um siðferði á netinu föstudaginn, 7. mars, kl. 15, í stofu H201 í húsnæði Menntavísindasviðs HÍ v/Stakkahlíð. Stjórnandi er Kristian Guttesen, sem sótti ráðstefnu um efnið á vegum Pestalozzi áætlunar Evrópuráðsins síðastliðinn nóvember. Pestalozzi ráðstefnur eru ætlaðar að stuðla að starfsþróun skólafólks með því að bjóða útvöldum kennurum og öðru skólafólki tækifæri til að kynnast því nýjasta sem er að gerast á tilteknum sviðum sem tengjast námi og kennslu. Vinnustofan er ætluð kennurum á unglingastigi grunnskóla og framhaldsskólastigi og öðru áhugafólki um notkun upplýsingatækni í námi og kennslu. Titill vinnustofunnar: „Virðing í netmiðlum“ Í vinnustofunni ... Lesa meira »

Menntabúðir: Múkk, múður og miklu meira!

Þriðjudaginn, 25. febrúar, kl. 16-18, standa UT-Torg og MenntaMiðja fyrir menntabúðum í samstarfi við Fagaðila og framhaldsnema í upplýsingatækni og miðlun, RANNUM og Menntasmiðju Menntavísindasviðs HÍ. Menntabúðirnar verða haldnar í stofu H207 í húsnæði Menntavísindasviðs HÍ v/Stakkahlíð. Þátttaka er ókeypis en þátttakendur eru beðnir að skrá sig hér. Menntabúðir er samkoma þar sem fólk kemur saman til þess að miðla af eigin reynslu og þekkingu og afla sér fróðleiks frá öðrum þátttakendum. Mikil vakning er í tengslum við fjarnám, vefnám, spjaldtölvur, innleiðingu nýrrar aðalnámskrár svo eitthvað sé nefnt. Fjölmörg áhugaverð þróunarverkefni eru í gangi úti í skólunum sem vert er ... Lesa meira »

#menntaspjall um alþjóðlegt samstarf í íslenskum skólum

Fjórða #menntaspjall MenntaMiðju verður haldið næsta sunnudag, 23. febrúar, kl. 11-12. Að þessu sinni verður rætt um alþjóðlegt samstarf í íslenskum skólum. Gestastjórnandi er Guðmundur Ingi Markússon, verkefnisstjóri á landskrifstofu eTwinning áætlunar ESB, sem er íslensku skólafólki að góðu kunn. Þátttakendur eru hvattir til að undirbúa sig og væri sérstaklega gott að vísa á vefi alþjóðlegra verkefna sem íslenskt skólafólk hefur komið að. Spurt verður: 1. Lýsið alþjóðlegum verkefnum tengdum skólastarfi sem þið hafið tekið þátt í. 2. Hvaða þýðingu hefur alþjóðlegt samstarf  haft fyrir skóla þinn, þig persónulega, eða stofnun sem þú starfar við? En fyrir íslenskt skólastarf almennt? ... Lesa meira »

Samantekt af #menntaspjall helgarinnar

Í gær, sunnudaginn, 26. janúar, fór fram annað #menntaspjall á Twitter. Að þessu sinni var umræðuefnið “áhugaverðar nýjungar í kennslu” og var stjórnandi Ingvi Hrannar Ómarsson, kennari á Sauðárkróki og nemandi í frumkvöðlafræðum við Háskólann í Lundi. Um 30 manns tóku þátt í spjallinu og fóru rúmlega 300 tíst milli þátttakenda meðan á spjallinu stóð. Samantekt af öllum tístum má sjá á vef Ingva Hrannars á http://ingvihrannar.com/menntaspjall2/ Þátttakendur bentu m.a. á fjölmargar nýjungar sem hafa verið notaðar í skólum hér á landi. Mjög gagnlegt væri að vinna upp úr umræðunum lista yfir allar þær nýjungar sem nefndar voru og fá ... Lesa meira »

Hönnunarsmiðja í Hólabrekkuskóla

Kennarar í Hólabrekkuskóla nýttu sér reynsluna af hönnunarsmiðjunni sem MenntaMiðja og fleiri stóðu fyrir síðasta nóvember til að leita nýrra lausna á áskorunum sem skólinn stendur fyrir á nýju ári. Hér á eftir er frásögn Önnu Maríu Þorkelsdóttur, kennara í Hólabrekkuskóla, af hönnunarsmiðjunni, en hún sá um skipulag hennar. Hönnunarsmiðja 3. janúar í Hólabrekkuskóla Fyrsta vinnudag á nýju ári mættu kennarar og stuðningsfulltrúar í hönnunarsmiðju þar sem ætlunin var að fá innsýn inn í hvernig þeir sæju fyrir sér nauðsynlega þróun á næstu árum í skólanum og til að sjá hvernig breytingar þeir væru aðallega að horfa til. Þróunarteymi skólans mun ... Lesa meira »

Niðurstöður PISA 2012

Uppfært kl. 15, 3. desember Niðurstöður PISA 2012 eru nú aðgengilegar á vef OECD (smellið hér). Haldinn verður vef-málstofa um PISA 2012 með Andreas Schleicher, forstöðumanni menntamáladeildar OECD, 4. desember, kl. 19 að íslenskum tíma. Málstofan er opin öllum en þátttakendur skulu skrá sig hér: https://oecdwash.webex.com/oecdwash/onstage/g.php?t=a&d=662152458 [ELDRA: Í dag kl. 10 að íslenskum tíma verða niðurstöður PISA 2012 kynntar. Bein vefútsending verður frá blaðamannafundi um PISA 2012 hér: http://scic.ec.europa.eu/streaming/index.php?es=2&sessionno=0c7119e3a6a2209da6a5b90e5b5b75bd] Lesa meira »

Hönnunarsmiðja um framtíð tækni og menntunar

Hvernig skóla eða skólakerfi myndir þú hanna til að takast á við áskoranir 21. aldar? Hvaða tækninýjungar munu hafa áhrif á menntun í framtíðinni og hvernig ætlar þú að nýta þær? MenntaMiðja og RANNUM halda hönnunarsmiðju þar sem þátttakendur fá að kynnast hvernig hönnunarnálgun er notuð í stefnumótun skólamála (sjá frekar umhönnunarnálgun og hönnunarsmiðjur hér). Hönnunarsmiðjan er skipulögð í samvinnu við Virajita Singh, sérfræðingur í hönnunarnálgun frá Háskólanum í Minnesóta, sem verður á staðnum til að leiða vinnu þátttakenda. Þátttakendur munu velta fyrir sér framtíð tækniþróunar og mögulegum áhrifum hennar á menntun. Hugmyndir um skóla framtíðar verða mótaðar í skapandi samstarfi með fjölbreyttum hópum hagsmunaaðila. Þátttakendur skrá ... Lesa meira »