Skólaþróun

Hvað er hönnunarsmiðja?

Þann 20. nóvember bjóða MenntaMiðja og RANNUM upp á hönnunarsmiðju um framtíð tækni og menntunar undir handleiðslu Virajita Singh, sérfræðingi við Háskólann í Minnesóta (sjá frekari upplýsingar um hönnunarsmiðjuna og skráningu hér). Á hönnunarsmiðjum er megin markmiðið að skapa frjóan vettvang þar sem þátttakendur greina og móta umræður um sameiginleg viðfangsefni. Notaðar eru aðferðir sem eiga rætur í hönnunargreinum, e.o. vöruþróun og arkitektúr, sem miða að því að virkja sköpunarkraftinn sem býr í fjölbreytni þátttakenda. Hönnunarnálgunin sem er notuð hefur gefið góða raun í margvíslegum verkefnum sem spanna allt frá þróun nýrra vara og þjónustu til stefnumótunar og jafnvel mótunar ... Lesa meira »

Diane Ravitch gefur út nýja bók

Diane Ravitch, menntunarfræðingur við New York Háskólann, gaf nýlega út bókina Reign of Error, þar sem hún gagnrýnir umræðu um menntamál í Bandaríkjunum og sérstaklega kröfur um að einkavæðing skóla sé helsta lausnin á vandanum. Í þessu viðtali við hinn bráðskemmtilega John Stewart talar hún um bókina sína og hvernig gögn um námsárangur bandarískra ungmenna hafa verið rangtúlkuð til að rökstyðja ýktar yfirlýsingar um krísur í skólamálum (sjá fyrri hluta hér og seinni hluta hér). Ravitch er líka dugleg að senda frá sér fróðlegar upplýsingar á bloggi og Twitter sem snúast fyrst og fremst um menntamál í Bandaríkjunum en geta ... Lesa meira »

Frjóir Fimmtudagar – Menntabúðir um upplýsingatækni í námi og kennslu

Fimmtudagana 31. október, 7. nóvember og 21. nóvember kl. 16-18 verða haldnar  menntabúðir  í stofu H-207 í aðalbyggingu Menntavísindasviðs Háskóla Íslands við Stakkahlíð. Menntabúðir er samkoma þar sem fólk kemur saman til þess að miðla af eigin reynslu og þekkingu og afla sér fróðleiks frá öðrum þátttakendum. Nauðsynlegt er að skrá þátttöku í hvert skipti til að auðvelda utanumhald og skipulagningu. Smelltu á dagsetningarnar til að skrá þig 31. október, 7. nóvember, 21. nóvember. Mikil vakning er í tengslum við spjaldtölvur í skólastarfi og fjölmörg áhugaverð verkefni í gangi úti í skólunum varðandi upplýsingatækni og nýjar aðalnámsskrár. Áhersla verður lögð á tengslamyndun fólks sem er að þreifa sig áfram með nýtingu ... Lesa meira »

Umræðan um styttingu skólagöngu

Undanfarið hefur verið mikil umræða um styttingu skólagöngu hér á landi. Af því tilefni höfum við tekið saman safn tengla á ýmsar nýjar og eldri greinar og skýrslur tengd málinu. Einnig er bent á rannsóknir sem tengjast algengum rökum fyrir og á móti styttingu skólagöngu, s.s. að draga úr brottfalli, bæta hagkvæmni, o.fl. Við hvetjum lesendur til að bæta við tílvísunum á greinar og rit í athugasemdum neðst á síðunni. Lesa meira »

Menntakvika Menntavísindasviðs

Við minnum á Menntakviku, árlegri ráðstefnu Menntavísindasviðs HÍ um menntarannsóknir. Ráðstefnan er haldin í dag, föstudag 27. september, í húsnæði Menntavísindasviðs v/Stakkahlíð. Ráðstefnan er ókeypis og opin öllum. Frekari upplýsingar og dagskrá eru hér. Lesa meira »

MenntaMiðja og UT-Torg heimsóttu kennara á Vestfjörðum

Á föstudaginn 6. september heimsóttu fulltrúar MenntaMiðju og nýja UT-Torgsins vestfirska kennara á haustþingi kennarafélagsins í Bolungarvík. Þar gafst tækifæri til að kynna fyrir kennurum hugmyndafræði og starfsemi MenntaMiðju, UT-Torgsins og þeirra fjölmörgu starfssamfélaga á sviði upplýsingatækni í námi og kennslu. Áhugaverðast var þó að spjalla við skólafólk um áhugaverð verkefni sem þar eru í gangi og stöðu í upplýsingatæknimálum almennt. Efst á baugi voru nýja stafræna smiðjan (Fab-Lab) sem hefur verið opnuð í Menntaskólanum á Ísafirði og spjaldtölvuvæðing sem hrint hefur verið af stað með veglegum gjöfum frá fyrirtækjum á svæðinu. Á stafrænu smiðjunni eru þríviddar prentari og önnur framleiðslutæki ... Lesa meira »

Hvað segja gögn um íslenska skóla í alþjóðlegu samhengi

Þann 12. júní var haldið málþing undir yfirskriftinni „Íslenskt skólakerfi í alþjóðlegu samhengi„. Málstofan er sú fyrsta í fundaröð sem Rannsóknarstofa um þróun skólastarfs og Námsmatsstofnun standa fyrir þar sem verður fjallað um stöðu íslenskra skóla með tilliti til niðurstaða úr alþjóðlegum rannsóknum. Af því tilefni birtum við nýtt tenglasafn hér á vef MenntaMiðju á vefi þar sem hægt er að nálgast íslensk og alþjóðleg gögn um menntun og skólamál. Lesa meira »

Tilbúin fyrir tæknina? Ráðstefna Samtaka áhugafólks um skólaþróun vel sótt

Þann 14. ágúst héldu Samtök áhugafólks um skólaþróun ráðstefnu í Norðlingaskóla í Reykjavík undir yfirskriftinni Tilbúin fyrir tæknina? Ráðstefnan var mjög vel sótt enda mikið af áhugaverðum erindum um sóknarfæri og álitamál tengd nútímatækni og skólastörf. Opnunarerindi Ragnars Þórs Péturssonar, Nátttröll í nýju ljósi, vakti sérstaklega athygli. Það má lesa hér. Hér má sjá dagskrá ráðstefnunnar og ráðstefnugögn. Öll erindi sem flutt voru á ráðstefnunni verða aðgengileg á skolathroun.is innan tíðar. Lesa meira »

Viðtal við Andreas Schleicher um PISA gögn

PISA (Programme for International Student Assessment) kannanir OECD á hæfni nemenda í ýmsum námsgreinum hafa haft töluverð áhrif á umræðu um mennta- og skólamál á undanförnum áratug. Könnunin hefur verið framkvæmd á þriggja ára fresti í öllum aðildarlöndum OECD, þar á meðal Ísland, auk nokkurra annarra landa. Hér fyrir neðan má heyra viðtal við Andreas Schleicher, forstöðumaður menntamáladeildar OECD sem hefur umsjón með PISA verkefninu. Í viðtalinu ræðir hann sérstaklega um nýtingu PISA gagna til að bæta menntun í einstökum löndum. Viðtal við Andreas Schleicher um PISA Lesa meira »

Íslenskt skólakerfi í alþjóðlegu samhengi

Rannsóknarstofa um þróun skólastarfs og Námsmatsstofnun boða til málstofu um stöðu íslenska skólakerfisins í alþjóðlegu samhengi í dag, miðvikudaginn 12. Júní 2013  í Bratta, húsnæði Menntavísindasviðs HÍ v/Háteigsveg, kl. 14.00 – 16.00. Þátttaka íslendinga í alþjóðlegum könnunum á þróun skóla- og menntamála hefur færst í vöxt á síðustu áratug. Á málstofunni verður rýnt í niðurstöður kannana e.o. PISA og TIMSS og hvaða vísbendingar þær geta gefið um stöðu skólakerfisins. Málstofan er liður í fundaröð sem verður haldið áfram með á árinu og er öllum opin. Lesa meira »