Hugmyndafræðin

Starfssamfélag er hópur fólks sem deilir áhuga eða ástríðu fyrir einhverju sem það fæst við og lærir hvernig á að gera það betur í gegnum regluleg samskipti.

E. Wenger

Menntamiðja byggist á hugmyndafræði Etienne Wenger um starfssamfélög og sérstaklega hugmyndum hans um hvernig aðkoma ólíkra aðila að slíku samstarfi stuðlar að nýbreytni og þekkingarsköpun. Lykilhugtak í hugmyndafræði Wengers í þessu samhengi er “tvívirkjun” (e. duality). Í því felst að aðkoma ólíkra aðila að samstarfi skapar spennu sem hvetur til mótunar nýrra lausna á þeim viðfangsefnum sem við er að etja. Með því að virkja ólíka hópa, miðla upplýsingum og þekkingu á milli þeirra, og skapa tækifæri til margvíslegs samstarfs stuðlar MenntaMiðja að tvívirkjun og nýbreytni innan starfssamfélaga.

Smelltu til að stækka mynd

 Markmið MenntaMiðju er því að virkja hópa sem hafa þekkingu, áhuga og erindi í margbreytilega orðræðu um þróun menntunar og skólamála, s.s. kennarar, skólastjórnendur, fræðimenn, stefnumótendur og ekki síst nemendur í menntunarfræðideildum háskólanna – þ.e. nýliðana, sem eru oft öflug uppspretta frjórra hugmynda.

 Ávinningur af starfssamfélögum getur verið margvíslegur

Skildu eftir svar