Markmið námskeiðsins er að styðja deildarstjóra í leikskólum við að efla hæfni sína sem faglegur leiðtogi. Námskeiðið er hagnýtt og sniðið að þörfum starfandi deildarstjóra og taka umfjöllunarefni mið af daglegum viðfangsefnum leikskólans. Rætt verður um hvað skiptir máli við að leiða starf á deild og hvað hafa þarf í huga til að samstarf og samvinna geti verið með virkum og skapandi hætti. Einnig verður komið inn á tímastjórnun og innlegg deildarstjóra í því að gera deildarstarfið markvissara, hvað varðar foreldrasamvinnu, starfsmannamál og utanumhald verkefna.
Skráningarfrestur er til og með 1. september 2023
Á námskeiðinu læra þátttakendur að nýta þróunarhring (sjá mynd neðar) í fjórum skrefum, sem styður við samtal um innleiðingu breyttra starfshátta í námi og kennslu. Skrefin fjögur eru stigin í grunnskólanum, á milli kennslulota í Menntafléttunni:
Skref A: Þátttakendur undirbúa sig með lestri eða áhorfi – og undirbúa spurningar.
Skref B: Þátttakendur funda með teyminu sínu og gera áætlun um útfærslu í starfi.
Skref C: Þátttakendur og teymið þeirra framkvæmir og skrá hjá sér athuganir.
Skref D: Þátttakendur funda aftur með teyminu og ræða hvernig til tókst og hvernig börnin og unglingarnir brugðust við.
Við lok námskeiðs geta þátttakendur
- Leitt samtöl um breytta starfshætti í námssamfélögum og teymum í skólum og á vinnustöðum.
- Tileinkað sér hæfni til að styrkja samvinnu innan deilda.
- Lagt mat á skipulag og nýtingu tíma í leikskólastarfi.
- Nýtt skráningar til mats og endurbóta í starfi með börnum.
- Stuðlað að öflugu samstarfi við foreldra og annað fagólk innan og utan skóla.
Fyrir hverja er námskeiðið og hvaða skilyrði þurfa að vera til staðar?
Námskeiðið er fyrir starfandi deildarstjóra í leikskólum. Reynslan hefur sýnt fram á að farsælt sé að fleiri en einn þátttakandi sé frá hverjum skóla/stofnun, en það er þó ekki skilyrði.
Eindregið er hvatt til þess að þátttakendur séu í samráði við sína stjórnendur um þátttöku á námskeiðinu. Með því eru stjórnendur meðvitaðir um og samábyrgir um að styðja við þróun námssamfélaga innan sinna stofnana. Hér er myndband sem lýsir mikilvægu hlutverki stjórnenda sem eiga þátttakendur á Menntafléttunámskeiðum og hér er texti sem lýsir þeim skilyrðum sem verða að vera til staðar í skóla þar sem námssamfélög blómstra.
Hvar og hvernig fer námskeiðið fram?
Kennslan fer fram í sex lotum á ZOOM, sem eru þrjár klukkustundir að lengd, skólaárið 2023–2024. Nám þátttakenda fer þó aðallega fram í skólum þátttakenda í samtali teyma um þróun náms og kennslu. Þátttakendur fá hagnýtar kveikjur í lotunum sem þeir geta fléttað saman við daglegt starf, þeir leiða svo samtal á teymisfundum um hvernig gengur.
Í upphafi hverrar kennslulotu er farið yfir reynslu þátttakenda af því að nýta þróunarhringinn frá síðustu lotu.
Dag- og tímasetningar lota
2023
Þriðjudagur, 26. september kl. 09:00-12:00
Þriðjudagur 31. október kl. 09:00-12:00
Þriðjudagur, 28. nóvember kl. 09:00-12:00
2024
Þriðjudagur, 9. janúar kl. 09:00-12:00
Þriðjudagur, 20. febrúar kl. 09:00-12:00
Þriðjudagur, 19. mars kl. 09:00-12:00
Umsjón og kennsla
Inda Björk Gunnarsdóttir, skólastjóri á Kiðagili og Íris Hrönn Kristinsdóttir, leikskólakennari og ráðgjafi hjá Miðstöð skólaþróunar við Háskólann á Akureyri. Einnig koma gestakennarar af vettvangi að kennslu.
Þróunarhringurinn
Þróunarhringurinn er úr smiðju Skolverket og nýttur með góðfúslegu leyfi.
Í hnotskurn
- Lotur 6
- Quizzes 0
- Lotur: 6x3 klst.
- Hefst: All levels
- Lýkur: Mars 2024
- Gjöld: 0
- Gjöld: Mismunandi
-
1. lota / Að leiða öflugt deildarstarf
Í fyrstu lotu námskeiðsins kynnast þátttakendur hver öðrum, kynnst hugmyndafræði námskeiðsins og ræða saman um hvernig þeir geta þróað og stutt við námssamfélagið í sínum skóla. Í lotunni verður farið yfir hvað einkennir farsæl samskipti í teymum og hvaða leiðir hægt er að fara til að skoða og ræða samskipti á vettvangi.
-
2. lota / Skipulag og upplýsingamiðlun á deild og í skóla
Í lotunni verður fjallað um skipulag og upplýsingamiðlun á deild og í skóla. Skoðað verður hvernig tímastjórnun getur haft áhrif á gang og gæði skólastarfsins. Í lotunni verður einnig rætt um hlutverk og mikilvægi reglulegra fagfunda. hefst á því að þátttakendur bera saman reynslu sína og ræða áherslur í skólastarfi. Þessi lota snýst um að draga fram áherslur í skólastarfi og afmarka viðfangsefni sem hverjum og einum þykir mikilvægt að rýna í á þessu skólaári. Kynntar verða margvíslegar leiðir til að fanga og skrá lifandi augnablik í starfi.
-
3. lota / Athugun á deildarstarfi
Í lotunni verður skoðað hvernig markvissar skráningar nýtast til að fylgjast með og efla skólastarf. Ræddar verða leiðir við úrvinnslu skráninga og gerð umbótaáætlana.
-
4. lota / Mat á árangri af breyttum starfsháttum
Í lotunni verður sjónum beint að endurteknum skráningum og hvaða leiðir hafa gefist vel við að festa gæðastarf í sessi.
-
5. lota / Að móta og byggja upp öflugt samstarf
Í fimmtu lotu verður rætt um hvað einkennir farsælt samstarf í skólastarfi. Hvaða leiðir má fara til að koma á og viðhalda öflugu samstarfi við foreldra og annað fagfólk innan sem utan skólans.
-
6. lota/ Deildarstjórinn sem faglegur leiðtogi í leikskólastarfi - samantekt og kynningar á uppskeru vetrarins.
Í síðustu lotu námskeiðsins ræða þátttakendur reynslu sína og kynna hver fyrir öðrum vel heppnuð viðfangsefni vetrarins.
