Markmið námskeiðsins er að skapa námssamfélag meðal þátttakanda og vinna saman að því að auka þekkingu og efla hæfni til að nálgast eigin starfshætti á rannskakandi hátt.
Á námskeiðinu verður sjónum beint að því hvað það merkir að nálgast starf sitt á rannsakandi hátt. Í upphafi drögum við fram hver við erum og hvaðan við komum til þess að átta okkur á því hvað það er sem við viljum skoða á markvissan hátt í gegn um námskeiðið. Þátttakendur munu prófa margvíslegar leiðir til að skoða og skrá eigin starfshætti og fá tækifæri til að ígrunda og draga fram lærdóma sem hjálpa þeim að taka meðvitaðar ákvarðanir í starfi.
Skráningarfrestur er til og með 1. september 2023
Á námskeiðinu læra þátttakendur að nýta þróunarhring (sjá mynd neðar) í fjórum skrefum, sem styður við samtal um innleiðingu breyttra starfshátta í námi og kennslu. Skrefin fjögur eru stigin í grunnskólanum, á milli kennslulota í Menntafléttunni:
Skref A: Þátttakendur undirbúa sig með lestri eða áhorfi – og undirbúa spurningar.
Skref B: Þátttakendur funda með teyminu sínu og gera áætlun um útfærslu í starfi.
Skref C: Þátttakendur og teymið þeirra framkvæmir og skrá hjá sér athuganir.
Skref D: Þátttakendur funda aftur með teyminu og ræða hvernig til tókst og hvernig börnin og unglingarnir brugðust við.
Við lok námskeiðs geta þátttakendur
- Afmarkað viðfangsefni í eigin starfi til að rýna í með markvissum
hætti. - Nýtt ólíkar leiðir til að draga fram og skrá lifandi augnablik í starfi.
- Nýtt gögn úr starfi til að greina hvað þeir eru að læra um afmarkað viðfangsefni.
- Nýtt gögn úr starfi til að þróa sig í starfi.
- Deilt með samstarfsfólki eigin lærdómum þannig að þeir nýtist til þróunar starfshátta.
Fyrir hverja er námskeiðið og hvaða skilyrði þurfa að vera til staðar?
Námskeiðið er fyrir kennara, skólastjórnendur og annað fagfólk á öllum skólastigum. Reynslan hefur sýnt fram á að farsælt sé að fleiri en einn þátttakandi sé frá hverjum skóla/stofnun, en það er þó ekki skilyrði.
Eindregið er hvatt til þess að þátttakendur séu í samráði við sína stjórnendur um þátttöku á námskeiðinu. Með því eru stjórnendur meðvitaðir um og samábyrgir um að styðja við þróun námssamfélaga innan sinna stofnana. Hér er myndband sem lýsir mikilvægu hlutverki stjórnenda sem eiga þátttakendur á Menntafléttunámskeiðum og hér er texti sem lýsir þeim skilyrðum sem verða að vera til staðar í skóla þar sem námssamfélög blómstra.
Hvar og hvernig fer námskeiðið fram?
Kennslan fer fram í sex lotum á ZOOM, sem eru þrjár klukkustundir að lengd, skólaárið 2023–2024. Nám þátttakenda fer þó aðallega fram í skólum þátttakenda í samtali teyma um þróun náms og kennslu. Þátttakendur fá hagnýtar kveikjur í lotunum sem þeir geta fléttað saman við daglegt starf, þeir leiða svo samtal á teymisfundum um hvernig gengur.
Í upphafi hverrar kennslulotu er farið yfir reynslu þátttakenda af því að nýta þróunarhringinn frá síðustu lotu.
Dag- og tímasetningar lota
2023
Mánudagur, 11. september kl. 14.15–17.00
Mánudagur, 9. október kl. 14.15–17.00
Mánudagur, 6. nóvember kl. 14.15–17.00
2024
Mánudagur, 8. janúar kl. 14.15–17.00
Mánudagur, 5. febrúar kl. 14.15–17.00
Mánudagur, 11. mars kl. 14.15–17.00
Umsjón og kennsla
Karen Rut Gísladóttir, prófessor við Menntavísindasvið Háskóla Íslands og kennarar af vettvangi.
Þróunarhringurinn
Þróunarhringurinn er úr smiðju Skolverket og nýttur með góðfúslegu leyfi.
Í hnotskurn
- Lotur 6
- Quizzes 0
- Lotur: 6x3 klst.
- Hefst: All levels
- Lýkur: Mars 2024
- Gjöld: 0
- Gjöld: Mismunandi
-
1. lota /Að skapa námssamfélag þátttakenda
Í fyrstu lotu námskeiðsins kynnast þátttakendur hver öðum, hvað felst í því að nálgast starfshætti sína með rannsakandi hugarfari og ræða saman um hvaðan þeir koma og hvað þeir eru að takast á við á degi hverjum í eigin starfi. Í lotunni verður fyrirkomulagi námskeiðsins kynnt og hvers er að vænta í samstarfinu framundan.
-
2. lota / Að stilla rannsóknarfókusinn
Lotan hefst á því að þátttakendur bera saman reynslu sína og ræða áherslur í skólastarfi. Þessi lota snýst um að draga fram áherslur í skólastarfi og afmarka viðfangsefni sem hverjum og einum þykir mikilvægt að rýna í á þessu skólaári. Kynntar verða margvíslegar leiðir til að fanga og skrá lifandi augnablik í starfi.
-
3. lota /Að vera rannsakandi á vettvangi - að rýna í gögn
Í þriðju lotu deila þátttakendur og ræða dæmi úr eigin starfi sem tengist þeirra viðfangsefnum. Þátttakendur ræða saman í minni hópum og ákvarða næstu skref.
-
4. lota / Að vera rannsakandi á vettvangi - að rýna í gögn, framhald
Fjórða lota er framhald af þeirri þriðju þar sem þátttakendur ræða fleiri dæmi úr starfi sem tengjast eigin viðfangsefni og hvaða lærdóma megi draga af þeim.
-
5. lota / Að draga fram eigin lærdóma um viðfangsefni vetrarins
Í lotunni verður áherslan á að draga fram lærdóma í tengslum við það sem þátttakendur hafa verið að skoða í eigin starfi fram til þessa og undirbúa uppskeruhátíð sem verður í sjöttu lotu.
-
6. lota/ Kennarinn sem rannsakandi - kynningar á uppskeru vetrarstarfsins og ígrundun á námskeiðinu í heild sinni
Í síðustu lotu námskeiðsins ræða þátttakendur reynslu sína og kynna hver fyrir öðrum viðfangsefni vetrarins og það sem þeir hafa lært um ferlið við að rýna í eigið starf.
