Leiðsagnarnám í hvetjandi námsumhverfi
Markmið námskeiðsins er að styrkja leiðtoga við að leiða hóp samkennara sinna í námssamfélagi með samræðum um leiðsagnarnám. Þátttakendur dýpka fræðilega og hagnýta þekkingu sína á námsmenningu sem einkennist af leiðsagnarnámi en slík námsmenning hefur það leiðarljós að valdefla nemendur til að styðja við framfarir í námi. Á námskeiðinu öðlast þátttakendur hæfni til að leiða þróun slíkrar námsmenningar í skólum sínum.
Við lok námskeiðs geta þátttakendur
- Gegnt hlutverki leiðtoga og leitt námssamfélög jafningja í eigin skóla með samtali, endurgjöf og ígrundun um breytta starfshætti
- Nýtt þekkingu sína á fræðilegum og hagnýtum þáttum leiðsagnarnáms í starfi sínu með samkennurum og nemendum
- Stuðlað að námsmenningu sem einkennist af leiðsagnarnámi, í samstarfi við samkennara og nemendur.
Fyrir hverja er námskeiðið og hvernig fer skráning fram?
Námskeiðið er ætlað kennurum og stjórnendum sem hafa tekið að sér að leiða þróun leiðsagnarnáms í skólum sínum. Mælt er með því að hver skóli hafi 2-5 leiðtoga á námskeiðinu, æskilegt er að einn þeirra komi úr stjórnendateymi skólans.
Stjórnendur skóla skrá leiðtoga á námskeið. Með skráningu sammælast stjórnendur og þátttakendur um að styðja við þróun námssamfélaga, með nauðsynlegu svigrúmi til stefnumóta og samtals á hverjum stað með hópi samstarfsfólks.
Skráning hefst í fyrstu viku maímánaðar 2021. Þá liggja fyrir nákvæmar dag- og tímasetningar lotanna.
Hvar og hvernig fer námskeiðið fram?
Námskeiðið fer fram rafrænt í 6 lotum, þrjár klukkustundir að lengd, skólaárið 2021-2022. Skoðað verður með þátttakendum hvort tækifæri gefist á staðlotum. Á milli lota vinna leiðtogar með hagnýtar kveikjur námskeiðsins í hópi samstarfsfólks og flétta þannig viðfangsefnin við daglegt starf. Í upphafi hverrar lotu er farið yfir reynslu leiðtoga af starfinu í skólunum.
Reikna má með því að leiðtogarnir verji um 50 klukkustundum í heildina yfir veturinn vegna námskeiðsins, í bæði námslotur sem og stuðning við þróun námssamfélaga á hverjum stað. Þeir kennarar sem taka þátt í samtali og þróun breyttra starfshátta geta reiknað með að verja um 25 klukkustundum yfir veturinn.
Þróunarhringurinn
Á milli lota styðjast leiðtogar við þessi fjögur skref þróunarhrings, með samkennurum og samstarfsfólki.
Umsjón og kennsla
Edda Gíslrún Kjartansdóttir, aðstoðarskólastjóri í Flataskóla, Nanna Kristín Christiansen, sjálfstætt starfandi menntunarfræðingur og Rúnar Sigþórsson, prófessor emeritus við Háskólann á Akureyri.
Edda, Nanna og Rúnar munu fá til liðs við sig kennara og aðra sérfræðinga af vettvangi.
Í hnotskurn
- Lotur 0
- Quizzes 0
- Lotur: 6x3 klst.
- Hefst: Ágúst 2021
- Lýkur: Maí 2022
- Gjöld: 1
- Gjöld: 0 kr. nema annað sé tekið fram
-
1. lota Leiðtogar og námssamfélög
Í fyrstu lotunni er áhersla lögð á hlutverk þátttakenda sem leiðtoga í sínum skóla og hvernig þeir geta þróað og stutt við námssamfélag jafningja í skólunum. Einnig kynna kennarar viðfangsefni námskeiðsins í heild sinni.
Skoðið námskeiðsvef til að sækja frekari gögn. -
2. lota Námsmenning
Í þessari lotu er fjallað um námsmenningu sem grunn að leiðsagnarnámi
Skoðið námskeiðsvef til að sækja frekari gögn. -
3. lota Námsmarkmið, hæfniviðmið og viðmið um árangur
Í þessari lotu er fjallað um viðmið um hæfni og árangur, sem og námsmarkmið í leiðsagnarnámi
Skoðið námskeiðsvef til að sækja frekari gögn. -
4. lota Endurgjöf
Í þessari lotu er fjallað um þátt endurgjafarinnar í leiðsagnarnámi
Skoðið námskeiðsvef til að sækja frekari gögn. -
5. lota Hlutdeild og virkni nemenda
Í þessari lotu er fjallað um hlutdeild, valdeflingu og virkni nemenda í eigin námi,
Skoðið námskeiðsvef til að sækja frekari gögn. -
6. lota Samtal um uppskeru og fengna reynslu
Leiðtogar úr grunnskólum og kennarar námskeiðs líta um öxl, miðla reynslu sinni og horfa fram á veginn með þróun leiðsagnarnáms í námssamfélagi að leiðarljósi.
Skoðið námskeiðsvef til að sækja frekari gögn.
