Náttúruvísindi, tækni og málörvun í leikskóla

Free
17097973_1817638741834027_7362969408355613211_o

Skráningu á námskeiðið er lokið. 

Markmið námskeiðsins er að styrkja leiðtoga í leikskólum við að leiða hóp samstarfsfólks í námssamfélagi með samræðum um náttúruvísindi og tækni í leikskóla. Þátttakendur fá hugmyndir og verkfæri til að vinna með tungumál og þróun þekkingar leikskólabarna með náttúruvísindi í brennidepli. Fjallað verður um leiðir til að byggja ofan á hugmyndir og tilgátur leikskólabarna um vísindaleg fyrirbæri. Þátttakendur munu lesa um og kynnast leiðum til að vinna með barnabókmenntir sem kveikju að vinnu með náttúruvísindi og tækni í leikskólastarfinu.

Við lok námskeiðs geta þátttakendur

  • Gegnt hlutverki leiðtoga og leitt námssamfélög jafningja í eigin skóla með samtali, endurgjöf og ígrundun um breytta starfshætti
  • Unnið með hugmyndir og tilgátur leikskólabarna, hugtök og ferla náttúruvísindanna
  • Leitt málörvun með áherslu á sagnorð og tungumál náttúruvísindanna með leikskólabörnum
  • Unnið með tækni og náttúruvísindi út frá barnabókmenntum

Fyrir hverja er námskeiðið og hvernig fer skráning fram?

Námskeiðið er fyrir leikskólakennara og starfsfólk leikskóla sem áhuga hefur á þróun námssamfélags innan síns skóla með áherslu á náttúruvísindi. Mælt er með því að hver skóli hafi tvo leiðtoga á námskeiðinu og stjórnendur skóla skrá þá á námskeið.

Með skráningu sammælast stjórnendur og þátttakendur um að styðja við þróun námssamfélaga, með nauðsynlegu svigrúmi til stefnumóta og samtals á hverjum stað með hópi samstarfsfólks.

Skráning hefst 16. apríl 2021.

Kennslulotur verða á eftirfarandi dögum og tímum: 

14. júní kl. 13-16.
20. ágúst kl. 13-16
26. október kl. 13-16
27. janúar kl. 13-16
30. mars kl. 13-16
31. maí kl. 13-16

Hvar og hvernig fer námskeiðið fram?

Námskeiðið fer fram í sex lotum, þrjár klukkustundir að lengd. Það hefst í júní 2021 og lýkur í maí 2022. Þátttakendur geta bæði mætt á staðinn eða tekið þátt í gegnum fjarfundarbúnað. Á milli lota vinna þátttakendur með hagnýtar kveikjur námskeiðsins í hópi samstarfsfólks og flétta þannig viðfangsefnin við daglegt starf. Í upphafi hverrar lotu er farið yfir reynslu leiðtoga af starfinu í skólunum frá síðustu lotu. 

Leiðtogar halda að jafnaði tvo vinnufundi með samkennurum á milli lota.

Leiðtogar reikni með svigrúmi og tíma til að styðja við námssamfélag jafningja á milli lota, sem fléttast saman við eigið starf.

Námskeiðið byggir á sænskri fyrirmynd, með góðfúslegu leyfi Skolverket.

Þróunarhringurinn

Á milli lota styðjast leiðtogar við þessi fjögur skref þróunarhrings, með samkennurum og samstarfsfólki. Þróunarhringurinn er úr smiðju Skolverket í Svíþjóð og nýttur með góðfúslegu leyfi.

Umsjón og kennsla

Anna Sofia Wahlström, leikskólakennari í Reykjanesbæ, Gunnhildur Óskarsdóttir, dósent í náttúrufræðikennslu, Hrönn Pálmadóttir, dósent í leikskólafræði og námi og kennslu ungra barna, Kristín Norðdahl, dósent í náttúrufræðimenntun og Svava Pétursdóttir, lektor í menntunarfræðum yngri barna með áherslu á upplýsingatækni og náttúrufræðikennslu. 

Í hnotskurn

  • Lotur 0
  • Quizzes 0
  • Lotur: 6x3 klst.
  • Hefst: Júní 2021
  • Lýkur: Maí 2022
  • Gjöld: 0
  • Gjöld: Mismunandi
  • 1. lota Leiðtogar og námssamfélög

    Í fyrstu lotunni er áhersla lögð á hlutverk þátttakanda sem leiðtoga í sínum skóla og hvernig þeir geta þróað og stutt við námssamfélag jafningja. Einnig kynna kennarar viðfangsefni námskeiðsins í heild sinni.

    Skoðið námskeiðsvef til að sækja frekari gögn.
  • 2. lota Að nálgast náttúruvísindaleg fyrirbæri út frá sagnorðum

    Í annarri lotu verður fjallað um það hvernig hægt er að nálgast náttúruvísindaleg fyrirbæri út frá sagnorðum á borð við rúlla, vaxa, velta og renna.

    Skoðið námskeiðsvef til að sækja frekari gögn.
  • 3. lota Tækni í barnabókmenntum

    Í þriðju lotunni verður fjallað um hvernig hægt er að vinna með barnabókmenntir sem kveikju að vinnu með náttúruvísindi og tækni í leikskólastarfinu.

    Skoðið námskeiðsvef til að sækja frekari gögn.
  • 4. lota Tilgátur og hugmyndir leikskólabarna um fyrirbæri

    Í fjórðu lotunni verður fjallað um það hvernig tilgátur og hugmyndir leikskólabarna um virkni og eiginleika fyrirbæra í umhverfi þróast.

    Skoðið námskeiðsvef til að sækja frekari gögn.
  • 5. lota Barnabækur sem kveikja að samtölum um náttúruvísindi

    Í fimmtu lotunni verður fjallað um hvernig barnabækur geta verið kveikja að samtölum við leikskólabörn um fyrirbæri náttúruvísinda.

    Skoðið námskeiðsvef til að sækja frekari gögn.
  • 6. lota Samtal um uppskeru og fengna reynslu

    Leiðtogar úr leikskólum og kennarar námskeiðs líta um öxl, miðla reynslu sinni og horfa fram veginn með þróun námssamfélags að leiðarljósi.

    Skoðið námskeiðsvef til að sækja frekari gögn.

Nánari upplýsingar um námskeiðið veitir Oddný Sturludóttir, oddnys@hi.is

Free