„Getur þú búið til meira svona digital drama námsefni, part tvö? Fyrir næsta ár?“
Markmið námskeiðsins er að styðja við þátttakendur, þeirra námssamfélög og teymi með áherslu á kennslu stafrænnar borgaravitundar. Stafræna borgaravitund meðal nemenda er æskilegt að kenna jafnt og þétt á skólagöngunni. Með stafrænni borgaravitund er leitast við að nemendur öðlist hæfni til að lifa ábyrgu, heilbrigðu og ánægjulegu lífi í stafrænum heimi. Þar sem stafræn tækni hefur orðið meira áberandi í grunnskólastarfinu á öllum aldursstigum. Umgengni og ábyrg netnotkun ætti að vera samofin þeirri menningu um stafræna tækni og netnotkun sem í skólanum er og áherslum um lykilhæfni Aðalnámskrár grunnskóla (2011). Grunnefnið sem lagt verður til grundvallar námskeiðinu er að finna á þessari slóð.
Skráningarfrestur er t.o.m. 26. ágúst.
Skref A: Þátttakendur undirbúa sig með lestri eða áhorfi – og undirbúa spurningar.
Skref B: Þátttakendur funda með teyminu sínu og gera áætlun um útfærslu í starfi.
Skref C: Þátttakendur og teymið þeirra framkvæmir og skrá hjá sér athuganir.
Skref D: Þátttakendur funda aftur með teyminu og ræða hvernig til tókst og hvernig nemendurnir brugðust við.
Við lok námskeiðs geta þátttakendur
- leitt samtöl um breytta starfshætti í námssamfélögum og teymum í skólum.
- útskýrt hvað stafrænn borgari er, hlutverk hans og ábyrgð.
- beitt leiðum til að tengja notkun upplýsingatækni í námi og kennslu við alla þætti stafrænnar borgaravitundar.
- tekið þátt í mótun viðmiða um kennslu í stafrænni borgaravitund.
- greint helstu lög og reglur sem tengjast viðfangsefninu.
- valið hugbúnað með tilliti til áhættumats kennsluhugbúnaðar.
- fundið og notað helstu bjargir fyrir kennslu í stafrænni borgaravitund.
- leiðsagt nemendum í átt að góðri öruggri netnotkun og siðferði við notkun stafrænnar tækni.
- hjálpað nemendum að leysa úr deilumálum sem eiga uppruna sinn á netinu.
Fyrir hverja er námskeiðið og hvaða skilyrði þurfa að vera til staðar?
Námskeiðið er fyrir kennara á öllum stigum grunnskólans og hentar sérstaklega umsjónar- og lífsleiknikennurum. Reynslan hefur sýnt fram á að farsælt sé að fleiri en einn þátttakandi sé frá hverjum skóla, en það er þó ekki skilyrði.
Eindregið er hvatt til þess að þátttakendur séu í samráði við sína stjórnendur um þátttöku á námskeiðinu. Með því eru stjórnendur meðvitaðir um og samábyrgir um að styðja við þróun námssamfélaga innan sinna stofnana. Hér er myndband sem lýsir mikilvægu hlutverki stjórnenda sem eiga þátttakendur á Menntafléttunámskeiðum og hér er texti sem lýsir þeim skilyrðum sem verða að vera til staðar í skóla þar sem námssamfélög blómstra.
Hvar og hvernig fer námskeiðið fram?
Kennslan fer fram í sex lotum á ZOOM, þrjár klukkustundir að lengd, skólaárið 2022-2023. Nám þátttakenda fer þó aðallega fram í skólum þeirra, í samtali teyma um þróun náms og kennslu. Þátttakendur fá hagnýtar kveikjur í lotunum sem þeir geta fléttað saman við daglegt starf, þeir leiða svo samtal á teymisfundum um hvernig gengur. Í upphafi hverrar kennslulotu er farið yfir reynslu þátttakenda af því að nýta þróunarhringinn frá síðustu lotu.
Dag- og tímasetningar lota
2022
Mánudagur, 26. september kl. 13.00–16.00
Mánudagur, 17. október kl. 13.00–16.00
Mánudagur, 14. nóvember kl. 13.00–16.00
2023
Mánudagur, 16. janúar kl. 13.00–16.00
Mánudagur, 13. febrúar kl. 13.00–16.00
Mánudagur, 13. mars kl. 13.00–16.00
Umsjón og kennsla
Bergþóra Þórhallsdóttir, verkefnastjóri í upplýsingatækni, Grunnskóladeild Kópavogsbæjar, Sigurður Haukur Gíslason, kennsluráðgjafi í upplýsingatækni við Grunnskóla Kópavogsbæjar, Sigurður Sigurðsson, sérfræðingur í miðlanotkun barna og ungmenna hjá SAFT, Svava Pétursdóttir, lektor við Menntavísindasvið Háskóla Íslands og Sæmundur Helgason, grunnskólakennari Langholtsskóla.
Þróunarhringurinn
Þróunarhringurinn er sóttur í smiðju Skolverket í Svíþjóð og nýttur með góðfúslegu leyfi.
Í hnotskurn
- Lotur 6
- Quizzes 0
- Lotur: 6x3 klst.
- Hefst: All levels
- Lýkur: Mars 2023
- Gjöld: 0
- Gjöld: Mismunandi
-
1. lota / Hvers vegna stafræn borgaravitund?
Kynnt verður skilgreining á stafrænni borgaravitund og undirþáttum hennar, fjallað um börn í stafrænum heimi og mikilvægi þess að þau fái færni til að fóta sig í honum. Kynnt verður námsefnið sem liggur til grundvallar námskeiðinu.
-
2. lota / Stafræn borgaravitund með augum nemandans
Fjallað verður um sýn og viðhorf nemenda og reynslu af vinnu með þeim þar sem efnisþættir stafrænnar borgaravitundar voru til umfjöllunar. Kynntar verða íslenskar rannsóknir um netnotkun barna og ungmenna.
-
3. lota / Fyrstu tveir efnisþættir stafrænnar borgaravitundar: i) Jafnvægi í stafrænni notkun og vellíðan og ii) Friðhelgi og öryggi.
Unnið með efnisþættina tvo: i) Jafnvægi í stafrænni notkun og vellíðan og ii) Friðhelgi og öryggi. Rætt verður um nálganir og kennsluhætti sem snúa að þessum tveimur þáttum. Þátttakendur prófa valda þætti úr námsefninu og vinna drög að kennsluáætlunum.
-
4. lota / Samþætting stafrænnar borgaravitundar við aðrar námsgreinar og næstu tveir efnisþættir iii) Stafrænt fótspor og auðkenni og iv) Sambönd og samskipti
Þátttakendur rýna í kennslu stafrænnar borgaravitundar í eigin skóla og möguleikum á því að samþætta hana við aðrar námsgreinar. Unnið með efnisþættina i) Stafrænt fótspor og auðkenni og ii) Sambönd og samskipti. Þátttakendur prófa valda þætti úr námsefninu og vinna drög að kennsluáætlunum.
-
5. lota / Skipulag kennslunnar og skólanámskráin og síðustu efnisþættir stafrænnar borgaravitundar v) Neteinelti, stafræn vanlíðan og hatursorðræða og vi) Frétta- og miðlalæsi
Rætt um hvernig kennsla stafrænnar borgaravitundar er skipulögð og birtist í skólanámskrá. Unnið með efnisþættina Neteinelti, stafræn vanlíðan og hatursorðræða og Frétta- og miðlalæsi. Þátttakendur prófa valda þætti úr námsefninu og vinna drög að kennsluáætlunum.
-
6. lota / Stafræn borgaravitund: Samantekt
Í þessari síðustu lotu námskeiðsins munum við fara yfir viðfangsefni lotanna og skoða það sem stóð upp úr hjá þátttakendum og jafnframt velta fyrir okkur hver næstu skref verða hjá þátttakendum og þeirra námssamfélagi.
