Markmið námskeiðsins er að styðja við þátttakendur, þeirra námssamfélög og teymi í viðfangsefninu að koma til móts við fjölbreyttan nemendahóp, til að mynda hvað varðar móðurmál og bakgrunn. Efni námskeiðsins á að geta nýst þvert á faggreinar enda þurfa allir kennarar að geta tekist á við kennslu í hópum þar sem íslenska er ekki móðurmál allra nemenda, þeir hafa fjölbreytilegan menningarlegan bakgrunn og búa jafnvel yfir erfiðri reynslu. Það kann að vera áskorun að fjalla af nærfærni og virðingu um viðfangsefni sem snerta nemendur með fjölbreyttum hætti og stýra bekkjarumræðum þar sem þessa er gætt. Á námskeiðinu deila þátttakendur reynslu og góðum ráðum, auk þess sem sérfræðingar í slíkum málum ræða við þátttakendur. Áhersla verður lögð á kennslu nemenda með annað móðurmál en íslensku en leiðarstef námskeiðsins er félagslegt réttlæti.
Skráningarfrestur er til og með 1. september 2023
Á námskeiðinu læra þátttakendur að nýta þróunarhring (sjá mynd neðar) í fjórum skrefum, sem styður við samtal um innleiðingu breyttra starfshátta í námi og kennslu. Skrefin fjögur eru stigin í grunnskólanum, á milli kennslulota í Menntafléttunni:
Skref A: Þátttakendur undirbúa sig með lestri eða áhorfi – og undirbúa spurningar.
Skref B: Þátttakendur funda með teyminu sínu og gera áætlun um útfærslu í starfi.
Skref C: Þátttakendur og teymið þeirra framkvæmir og skrá hjá sér athuganir.
Skref D: Þátttakendur funda aftur með teyminu og ræða hvernig til tókst og hvernig börnin og unglingarnir brugðust við.
Við lok námskeiðs geta þátttakendur
- Leitt samtöl um breytta starfshætti í námssamfélögum og teymum í skólum og á vinnustöðum.
- Nýtt gagnreyndar aðferðir við kennslu nemenda með annað móðurmál en íslensku.
- Beitt viðurkenndum leiðum við kennslu viðkvæmra málefna eða álitamála.
- Beitt kennsluháttum sem efla alla nemendur jafnt, bæði námslega og félagslega.
Fyrir hverja er námskeiðið og hvaða skilyrði þurfa að vera til staðar?
Námskeiðið er fyrir kennara í framhaldsskólum og á unglingastigi grunnskóla. Reynslan hefur sýnt fram á að farsælt sé að fleiri en einn þátttakandi sé frá hverjum skóla/stofnun, en það er þó ekki skilyrði.
Eindregið er hvatt til þess að þátttakendur séu í samráði við sína stjórnendur um þátttöku á námskeiðinu. Með því eru stjórnendur meðvitaðir um og samábyrgir um að styðja við þróun námssamfélaga innan sinna stofnana. Hér er myndband sem lýsir mikilvægu hlutverki stjórnenda sem eiga þátttakendur á Menntafléttunámskeiðum og hér er texti sem lýsir þeim skilyrðum sem verða að vera til staðar í skóla þar sem námssamfélög blómstra.
Hvar og hvernig fer námskeiðið fram?
Kennslan fer fram í sex lotum á ZOOM, sem eru þrjár klukkustundir að lengd, skólaárið 2023–2024. Nám þátttakenda fer þó aðallega fram í skólum þátttakenda í samtali teyma um þróun náms og kennslu. Þátttakendur fá hagnýtar kveikjur í lotunum sem þeir geta fléttað saman við daglegt starf, þeir leiða svo samtal á teymisfundum um hvernig gengur.
Í upphafi hverrar kennslulotu er farið yfir reynslu þátttakenda af því að nýta þróunarhringinn frá síðustu lotu.
Dag- og tímasetningar lota
2023
Mánudagur, 11. september kl. 14:15-17:15
Þriðjudagur 10. október kl. 14:15-17:15
Miðvikudagur, 15. nóvember kl.14:15-17:15
2024
Fimmtudagur, 18. janúar kl. 14:15-17:15
Mánudagur, 4. mars kl. 14:15-17:15
Þriðjudagur, 16. apríl kl. 14:15-17:15
Umsjón og kennsla
Umsjón með námskeiðinu hefur Súsanna Margrét Gestsdóttir, lektor á Menntavísindasviði Háskóla Íslands, en auk hennar annars kennslu Hermína Gunnþórsdóttir, prófessor við Háskólann á Akureyri, Susan Rafik Hama, lektor á Menntavísindasviði Háskóla Íslands og Þorbjörg Halldórsdóttir, sérfræðingur á Menntamálastofnun.
Þróunarhringurinn
Þróunarhringurinn er úr smiðju Skolverket og nýttur með góðfúslegu leyfi.
fjö
Í hnotskurn
- Lotur 6
- Quizzes 0
- Lotur: 6x3 klst.
- Hefst: All levels
- Lýkur: Apríl 2024
- Gjöld: 0
- Gjöld: Mismunandi
-
1. lota / Inngildandi og tungumálamiðaðir starfshættir í fjölbreyttum bekkjum - Íslenska sem annað mál
Í fyrstu lotu námskeiðsins kynnast þátttakendur hver öðrum, kynnst hugmyndafræði námskeiðsins og ræða saman um hvernig þeir geta þróað og stutt við námssamfélagið í sínum skóla. Í lotunni verður fjallað um inngildandi kennsluhætti, íslensku sem annað tungumál og leiðir til að koma til móts við mismunandi námsþarfir í fjölbreyttum nemendahópi.
-
2. lota / Að fá innflytjendur eða flóttamenn í hópinn
Í lotunni verður fjallað um rannsóknir, menningarleg og trúarleg atriði sem skipta máli í fjölmenningarlegum kennslustofum.
-
3. lota / Viðhorf, gildi og kennsla viðkvæmra málefna eða álitamála
Í lotunni verða skðaðar gagnreyndar leiðir til að fjalla um viðkvæm mál eða álitamál í fjölbreyttum nemendahópi og hvernig nauðsynlegt er að greina viðhorf og gildi bæði kennara og nemenda í þeim aðstæðum.
-
4. lota / Öll eru tungumálakennarar: Kennsluaðferðir sem stuðla að (tungumála)námi, þátttöku og vellíðan nemenda.
Rifjað verður upp það sem fjallað var um á haustdögum, námsumhverfi nemenda verður skoðað og hugað að því að þekkja og geta beitt árangursríkum kennsluaðferðum sem stuðla að réttlæti og jafnræði fyrir alla.
-
5. lota / Jákvæður skólabragur, sjálfsmynd og samstarf.
Í fimmtu lotu verður fjallað um mikilvægi þess að efla félagsleg tengsl nemenda og hlutverk sjálfsmyndar í námi og þroska nemenda og hvernig nota má þessa þætti til að stuðla að jákvæðum skólabrag sem styður við fjöltyngi og menningu nemenda. Skoðað verður hvernig þessir félagslegu þættir hafa síðan áhrif á nám nemenda í víðu samhengi og hvernig kennarar geta ýtt undir áhugahvöt og virkni nemenda.
-
6. lota/ Uppskeruhátíð: Menntabúðir
Í síðustu lotu námskeiðsins deila þátttakendur reynslu sinni af starfi vetrarins í málstofum og huga að framhaldinu í sínum skólum.
