Menntamiðja er samstarf hugsjón vettvangur samstarf hugsjón vettvangur samstarf hugsjón vettvangur samstarf hugsjón vettvangur samstarf hugsjón vettvangur samstarf hugsjón vettvangur samstarf hugsjón vettvangur
Menntamiðja er samfélag um nám í víðum skilningi
Hvert er markmið Menntamiðju?
Markmið Menntamiðju er að vera gátt að starfsþróun kennara, stjórnenda og annars starfsfólks í menntakerfinu. Á vef okkar er miðlað óformlegri starfsþróun sem sprettur upp úr grasrót faghópa í menntakerfinu, sem og formlegri starfsþróun af hálfu eigenda Menntamiðju. Á Menntamiðju er miðlað upplýsingum um styrki og sjóði, viðburði og rannsóknir sem erindi eiga við menntakerfið og hagsmunaaðila. Menntamiðja er vettvangur fyrir samtarf um þróunarstarf og nýsköpun. Ritstjórn Menntamiðju tekur afstöðu til efnis sem miðlað er á vefnum.
Sagan okkar
Menntamiðja spratt upp árið 2010 sem samstarfsvettvangur stofnana og hópa innan skólasamfélagsins. Menntamiðja gegndi því hlutverki að vera umgjörð starfssamfélaga þar sem framsækin grasrótarverkefni blómstruðu. Fjölbreytt torg héldu utan um ólík viðfangsefni kennara og skólafólks og Menntamiðja stóð fyrir viðburðum, deildi þekkingu, var brú milli fræða og framkvæmda og skóp samfélag um skólastarf.
Rúmum áratug síðar taka höndum saman níu hagaðilar um endurnýjaða Menntamiðju, sem hvílir á traustum grunni.
Merki Menntamiðju
Merki Menntamiðju er hönnun Tómasar Leós Halldórssonar, meistaranema í listkennslu við LHÍ. M-ið í mennta og m-ið í miðju tengjast og búa til merki óendanleikans eða hringrásarinnar. Tengingar er grunnhugmynd merkisins, enda sameina stofnanir, samfélög og skólar krafta sína á Menntamiðju. Þá stendur merkið einnig fyrir farsæla starfsþróun þar sem kennarar og starfsfólk menntakerfisins leitar nýrrar þekkingar í sífellu.
