Menntafléttan

- námssamfélög í skóla- og frístundastarfi

Hvað er Menntafléttan?

Menntafléttan er samstarfsverkefni Menntavísindasviðs Háskóla Íslands, Háskólans á Akureyri og Kennarasambands Íslands. Mennta- og menningarmálaráðuneytið styrkir Menntafléttuna og þróuð verða 40–50 námskeið sem eru kennurum og starfsfólki í menntakerfinu að kostnaðarlausu. Viðfangsefni námskeiða snerta fjölbreytt svið náms, kennslu, sjálfbærrar þróunar, vellíðunar, frístundastarfs og forystu. Námskeið Menntafléttunnar styðjast við hugmyndafræði leiðtoganáms og styðjast að hluta við námskeið sótt í smiðju Skolverket í Svíþjóð. Myndband um Menntafléttuna er hér.

 

Fyrir hverja eru námskeiðin?

Menntafléttan er fyrir kennara, starfsfólk og stjórnendur í leik-, grunn- og framhaldsskólum, auk listaskólum og frístundastarfi. Rauður þráður Menntafléttunnar er að stuðla að þróun námssamfélaga í skólum og á vinnustöðum þátttakenda. Námskeiðin fléttast saman við daglegt starf, innan þess svigrúms sem þátttakendur hafa til starfsþróunar. Kjarni námskeiðanna eru þróunarhringir þar sem hver þátttakandi fer í gegnum fjögur skref með hópi samstarfsfólks.

Opin kynning fyrir leikskóla 17. maí kl. 14.30 hlekkur hér 
Opin kynning fyrir grunnskóla 17. maí kl. 15.00 hlekkur hér 

Hlutverk Menntafléttunar

  • Efla námssamfélög í skóla- og frístundastarfi um land allt
  • Styðja við samstarf á öllum sviðum menntunar
  • Þróa námskeið sem fléttast saman við daglegt starf 
  • Vinna með leiðtogum af vettvangi við þróun og kennslu námskeiða
  • Styðja við menntastefnu 2030 og Heimsmarkmið Sameinuðu þjóðanna