„Náttúrufræðin er lífið allt, hún kemur alls staðar við sögu í daglegu lífi; hvað þú borðar, hvernig þú hreyfir þig á milli staða og nýtir það sem þú hefur. Þess vegna er svo skemmtilegt að samþætta hana öðrum námsgreinum. Eiginlega nauðsynlegt.“
Markmið námskeiðsins er að styðja við þátttakendur, þeirra námssamfélög og teymi með áherslu á samþættingu náttúrufræði með öðrum námsgreinum. Námskeiðið er ætlað kennurum sem hafa hug á að tengja námsgreinar, með áherslu á náttúrugreinar og opna þannig á möguleika þess að vinna nýja nálgun í námi nemenda. Einnig er námskeiðinu ætlað að styrkja þátttakendur í teymiskennslu og samvinnu með hliðsjón af samþættingu. Fjallað verður um viðfangsefni hverrar lotu út frá samþættu verkefni sem kennarar námskeiðsins hafa þegar nýtt í kennslu.
Skráningarfrestur er t.o.m. 26. ágúst.
Á námskeiðinu læra þátttakendur að nýta þróunarhring (sjá mynd neðar) í fjórum skrefum, sem styður við samtal um innleiðingu breyttra starfshátta í námi og kennslu. Skrefin fjögur eru stigin í skólanum, á milli kennslulota í Menntafléttunni:
Skref A: Þátttakendur undirbúa sig með lestri eða áhorfi – og undirbúa spurningar.
Skref B: Þátttakendur funda með teyminu sínu og gera áætlun um útfærslu í starfi.
Skref C: Þátttakendur og teymið þeirra framkvæmir og skrá hjá sér athuganir.
Skref D: Þátttakendur funda aftur með teyminu og ræða hvernig til tókst og hvernig nemendurnir brugðust við.
Við lok námskeiðs geta þátttakendur:
- Leitt samtöl um breytta starfshætti í námssamfélögum og teymum í skólum og á vinnustöðum.
- Nýtt fjölbreytt verkefni sem auka virkni og valdefla nemendur.
- Nýtt sér hagnýtar leiðir til þess að samþætta náttúrufræði við aðrar námsgreinar.
- Komið auga á kosti teymiskennslu og hafa lært leiðir að farsællri samvinnu.
Fyrir hverja er námskeiðið og hvaða skilyrði þurfa að vera til staðar?
Námskeiðið er fyrir kennara á mið- og unglingastigi grunnskólans. Reynslan hefur sýnt fram á að farsælt sé að fleiri en einn þátttakandi sé frá hverjum skóla, en það er þó ekki skilyrði.
Eindregið er hvatt til þess að þátttakendur sammælist við sína stjórnendur um þátttöku á námskeiðinu. Með því eru stjórnendur meðvitaðir um og samábyrgir um að styðja við þróun námssamfélaga innan sinna stofnana. Hér er myndband sem lýsir mikilvægu hlutverki stjórnenda sem eiga þátttakendur á Menntafléttunámskeiðum og hér er texti sem lýsir þeim skilyrðum sem verða að vera til staðar í skóla þar sem námssamfélög kennara blómstra.
Hvar og hvernig fer námskeiðið fram?
Kennslan fer fram í sex lotum, þrjár klukkustundir að lengd, skólaárið 2022-2023 á ZOOM. Nám þátttakenda fer þó aðallega fram í skólum þátttakenda í samtali teyma um þróun náms og kennslu. Þátttakendur fá hagnýtar kveikjur í lotunum sem þeir – og teymin þeirra geta fléttað saman við daglegt skólastarf.
Í upphafi hverrar kennslulotu er farið yfir reynslu þátttakenda af því að nýta þróunarhringinn frá síðustu lotu (sjá mynd af þróunarhringnum).
Dag- og tímasetningar lota
2022
Fimmtudagur, 22. september, kl. 13.00-16.00
Fimmtudagur, 27. október, kl. 13.00-16.00
Fimmtudagur, 24. nóvember, kl. 13.00-16.00
2023
Fimmtudagur, 5. janúar, kl. 13.00-16.00
Fimmtudagur, 2. mars, kl. 13.00-16.00
Fimmtudagur, 13. apríl, kl. 13.00-16.00
Umsjón og kennsla
Ólöf Ása Benediktsdóttir og Óðinn Ásgeirsson, kennarar í Hrafnagilsskóla og
Brynja Stefánsdóttir, kennari í Stapaskóla
Myndin er af nemendum í 8. bekk í Hrafnagilsskóla við krufningu á fiskum. Krufningin var hluti af samþættu þemaverkefni sem nemendur í 8.-10. bekk tóku þátt í.
Þróunarhringurinn
Þróunarhringurinn er úr smiðju Skolverket í Svíþjóð og nýttur með góðfúslegu leyfi.
Í hnotskurn
- Lotur 6
- Quizzes 0
- Lotur: 6x3 klst.
- Hefst: All levels
- Lýkur: Apríl 2023
- Gjöld: 0
- Gjöld: Mismunandi
-
1. lota / Náttúrufræði til framtíðar - teymið og samvinnan
Farið verður yfir hvað einkennir góð teymi og samvinnu út frá því hvernig kennarar deila með sér verkefnum. Einnig verður rætt um hver sé sameiginleg ábyrgð teymis og verkefni námskeiðsins verða kynnt. Áhersla á traust og lykilhugtök samvinnu.
-
2. lota / Valdefling nemenda
Rætt um mikilvægi þess að virkja alla nemendur og að rödd allra heyrist. Ýmis verkfæri kynnt sem stuðla að hlutdeild nemenda í eigin námi. Þátttakendur fá tækifæri til að deila eigin reynslu um árangursríka kennsluhætti. Áhersla á virka hlustun og þátttöku.
-
3. lota / Samþætting námsgreina með áherslu á náttúrufræði
Áhersla verður lögð á að kynna og ræða hagnýt atriði sem þarf að hafa í huga þegar gerð eru samþættingarverkefni. Áhersla á innihald viðfangsefnis, skipulag og verkaskiptingu. Hvernig getum við nýtt styrkleika samstarfsaðila okkar þannig að allir nái að njóta sín og hvað ber að varast. Þátttakendur ræða hvað er mikilvægt að hafa í huga þegar verkefni eru skipulögð.
-
4. lota / Námsmat í samþættingu námsgreina
Fjallað verður um hvernig grunnþættir menntunar, lykilhæfni og hæfniviðmið aðalnámskrár eru nýtt í námsmati samþættra námsgreina. Einnig verður lögð áhersla á matsþætti skapandi skila og faglegt leiðsagnarmat.
-
5. lota / Hvernig gengur með hugmyndina að samþætta verkefni?
Þátttakendur ræða hvernig gengur að vinna að samþættu verkefni með námssamfélagi þeirra. Áhersla lögð á samtal og leiðsögn.
-
6. lota / Náttúrufræði til framtíðar - samþætting með öðrum námsgreinum: Samantekt
Í þessari síðustu lotu námskeiðsins munum við fara yfir viðfangsefni lotanna og skoða það sem stóð upp úr hjá þátttakendum og jafnframt velta fyrir okkur hver næstu skref verða hjá þátttakendum og þeirra námssamfélagi.
